• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

APRIL FOOL

Joined
Oct 31, 2016
Messages
87
Likes
141
Points
26
Location
Maharashtra
#1
APRIL FOOL
Islam deen e fitrat hai, mazah o mazaq insani fitrat ka hissa hai, insaan hamesha sanjeeda nahi reh sakta, muskurana aur mazaq karna bhi insani tabiyat ke taqazoon mein se hai, islam ne insani fitrat ke is takazay par pabandi nahi lagai, Albatta is ki kuch hudood mutaiyyan kar di hain, islam mein har aisa hansi mazaq jaaiz hai jis mein jhoot ka Ansar shaamil na ho, kisi ki dil aazari na ho, kisi ki zaatiyaat mein dakhal na diya ja raha ho!

Nabi ﷺ tamam insanon ke sardar hain, Aap ke kaandhon par Allah ne duniya ki sab se azeem aur ahem zimme daari daali, is ke bawajood aap hansi mazaq bhi karte, lekin intahi pakeeza aur lateef andaaz mein, maslan:
Anas bin maalik Razi Allah Anhu se riwayat hai ke ek aadmi ne rasool Allah ﷺ se sawari ki darkhwast ki, Aap ne farmaya : mein tumhe sawari ke liye oontni ka bacha dun ga, us aadmi ne arz kiya : Allah ke Rasool! mein oontni ka baccha kya karoon ga? Rasool Allah ﷺ ne farmaya : bhala oont ko oontni ke siwa koi aur bhi janati hai? (har oont oontni ka bacha hi to hota hai )
sunan tirmizi : 1991


deen fitrat mein kisi aise mazaq ki gunjaish nahi jis mein kisi ki tazleel o tehqeer ho

maghribi culture se hamare muashray mein bohat saari ghair islami rasmen daakhil ho gayi hain, April fool bhi unhi mein se ek hai! April ki pehli tareekh ko yeh din manaya jata hai, is din log mukhtalif tareeqon se ek dusre ko bewaqoof banate hain, yeh mazaq kabhi kabhi bohat bhaari pad jata hai, mazaq ke naam par jaani o maali nuqsaan bhi khoob hota hai, is tarha ki na-maqool harkat ek musalman ke bilkul Shayan e shaan nahi

Abdullah bin Amro bin Aas razi Allah anhuma kehte hain ke nabi ﷺ ne farmaya : musalman woh hai jis ki zabaan aur haath se musalman mehfooz rahen
sahih Bukhari : 10


April fool ghair islami rasam hai
Abdullah bin Umar Razi Allah anhuma kehte hain ke Rasool Allah ﷺ ne farmaya : jis ne kisi qaum ki mushabihat ikhtiyar ki to woh unhi mein se hai.
sunan abu dawood : 4031


musalman ko chahiye ke kabhi bhi koi na-maqool harkat na kare aur islam ne hamein jo izzat o maqam diya hai is ka lehaaz rakhay. Allah hamein kaamil musalman banaye
واللہ تعالى اعلم


Abdullah Mukhlis
 
Thread starter Similar threads Forum Replies Date
Graphics 5
Islaah e Mu’ashra 1

Similar threads