• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.
Joined
Nov 1, 2016
Messages
94
Likes
244
Points
26
Location
Lucknow
#1
♻بِسْمِ اللَّهِ الرَّحْمَٰنِ الرَّحِيمِ♻
AURAT AUR MARD KI NAMAZ ME Kya KOI FARQ HAI❓

Rasool’Allah sallallaho alaihi wasallam ka farman hai ke :
Aur namaz aise adaa karo jaise tum mujhe namaz adaa karte huye dekhte ho.
(Bukhari : 631)


Is hadees mein mard aur aurat dono shamil hain.
➖Fir bhi kuch log mard aur aurat ki namaz me farq karte hain. Jabki Na hi Rasool’Allah sallallaho alaihi wasallam ka koi farman maujood hai ke jisme Unhone Auraton ko alag tareeqe se namaz ada karne ka hukm diya ho aur Na hi kisi sahabiyah se koi hadees riwayat hai ke unhone kaha ho ke Rasool’Allah sallallaho alaihi wasallam ham aurato ko alag tarah se namaz padhne ka hukm dete the.
Balki....
Shariat e islamiya me jo bhi sunnatein hain wo mard aur aurat ke liye yaksan (ek jaisi) hai.
➖Ham ye aam taur se dekhte hain ke Aurton ko zameen se chipak kar sajda karne ko kaha jata hai jabki Sahih Bukhari me iske khilaaf riwayat hai.

Farman e Rasool sallallaho alaihi wasallam hai ke :
"Tumme se koi apne baazu Sajde me is tarah na bichhaye jis tarah kutta bichhata hai".
(Sahih Bukhari : 822)

Ye hadees se clear hai ke aurton ko is tarah sajdah nahi karna chahiye balki jaisa Mard hazraat sajdah karte hai waise hi aurat ko bhi karna hai.

Is bare mein Ulama ka kya kahna hai❓
Aaiye dekhte hain ke Ulama e deen ka mard aur aurat ki namaz me farq ke baare me kya kahna hai.

Sheikh Ibn e Baaz Rahimahullah farmate hain ke:
➖Sahi bat yahi hai ke mard aur aurat ki namaz me koi farq nahi hai albatta fuqahaa e kiram jo farq bayan karte hain uski koi daleel nahi hai, aur jo hadees zikr ki gayi hai ke Aap sallallaho alaihi wasallam ne farmaya:
(Aur Namaz aise adaa karo jaise tum mujhe namaz adaa karte hue dekhte ho)
is mein sab mard aur khawateen shamil hain balki puri shariyat e islamia mard o aurat ke liye yaksan (ek tarah) hai.
Albatta farq wahan dekha jayega jahan koi daleel maujood ho, lehaza sunnat yahi hai ke.....
Aurat bhi usi tarah namaz padhe jaise mard namaz padhta hai uske liye ruku, sajdah, tilawat, seene par haath bandhna waghairah tamam ke tamam umoor yaksan honge.

Aur, isi tarah dauran e ruku haathon ko ghutno par rakha jayega aur sajde ke dauran kandho ya kano ke barabar zameen par haath rakhe jayenge, halat e ruku mein kamar ko sidha rakhenge aur ruku aur sajde ki duaayein, qaume aur qaide ki duaayein, do sajdo ke darmiyan ki dua sab kuch mard ki tarah auratein bhi sab anjaam dengi.
✔Taaki Sahih Bukhari me maujood Rasool’Allah sallallaho alaihi wasallam ke farmaan (aur namaz aise padho jaise tum mujhe namaz padhte hue dekhte ho) par amal ho jaaye.
➖Albatta Iqamat aur azaan namaz se alag amal hain isliye iqamat aur azaan sirf mard hi kahenge, kyunki iske baare me nass aa gayi hai ke mard hi azaan de aur iqamat kahe, khawateen iqamat aur azaan nahi kahengi.
(Fataawa Noor Ala Darb 2/799)

Allama Albani Rahimahullah farmate hain ke :
➖Rasool’Allah sallallaho alaihi wasallam ki namaz ke tareeqe me jo kuch bayan kiya gaya hai us mein mard aur aurat barabar hain, sunnat e Nabwi me koi bhi daleel (saboot) nahi milti jo ye taqaza karti ho ke us mein se kuch me auratein mustasna (exception) hain,
Balki....
Rasool’Allah sallallaho alaihi wasallam ka aam (general) farman hai ke :
"Tum namaz is tarah ada karo jis tarah tumne mujhe namaz ada karte hue dekha hai."

Jisme aurtein bhi shamil hain.
Sifatul Salatun Nabi Sallallahu Alaihi Wasallam page 189

Imam Bukhari Rahimahullah sahih sanad ke sath Umm e Darda Radiallahu anha ka amal bayan karte hain ki...
"wo (namaz mein) mardo ki tarha baithti thi".
(Al-Tarikh Al-Saghir Al-Bukhari 90)

Ibrahim Al-Nakha'ee Rahimahullah farmate hain ke:
“Aurton ko namaz mein mardon ke tarah baithna chahiye.”
(Ibn e Abi Shaibah 1/170)

Imam Ibn e Hazm Rahimahullah farmate hain ke:
“Mard aur aurat ki namaz mein koi farq nahi hai.”
(Al-Muhalla 3/37)

Imam Ibn-e-Hajar Rahimahullah farmate hain ke:
“Mard aur Aurat ke Takbeer ke dauran hath uthane me koi farq nahi hai.”
(Fath Ul Bari 2/222)

Nateeja:
☑ Lehaza aurton ki aur mardon ki namaz mein koi farq nahi paya jata hai aur jo Hazraat farq karte hain unke dawe khokhle hain aur jo bhi unki daleelein hain wo ya to Aurat aur Mard ke Namaz mein farq karne wali Hadeesein to mangadhant / fabricated aur zaeef hain.
In zaeef ahadees ke baare me janne ke liye yahan click karen
 
Last edited:

Similar threads