• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Bacchcho ko Masjid mein Lay Jaana Masnoon Hai

Joined
Feb 21, 2018
Messages
24
Likes
14
Points
9
Location
Srinagar
#1
*》Bacchcho ko Masjid mein Lay Jaana Masnoon Hai*

*Tehreer: Hafiz Nadeem Zaheer Hafizahullah*

*Sawaal*: Ek Masjid mein likha hua tha ki Bacchcho ko saath naa laaye, phir kisi Hadees ka Hawaala bhi tehreer tha. Kya kisi Hadees mein bacchcho ko masjid se mana kiya gaya hai? Jawaab de kar Allah se ajar payein. (Shaheedullah, Maansharah)

*Jawab*: Kisi Sahih Hadees mein bacchcho ko Masjid laane se mana nahi kiya gaya, balki jis riwayat mein mumaniat hai wo sanad ke aitbaar se sakht zaeef hai.

Imam Ibn majah Rahimahullah Ne Farmaya:
حَدَّثَنَا أَحْمَدُ بْنُ يُوسُفَ السُّلَمِيُّ، حَدَّثَنَا مُسْلِمُ بْنُ إِبْرَاهِيمَ، حَدَّثَنَا الْحَارِثُ بْنُ نَبْهَانَ، حَدَّثَنَا عُتْبَةُ بْنُ يَقْظَانَ، عَنْ أَبِي سَعِيدٍ، عَنْ مَكْحُولٍ، عَنْ وَاثِلَةَ بْنِ الأَسْقَعِ، أَنَّ النَّبِيَّ ـ صلى الله عليه وسلم ـ قَالَ: ‏
‏(( جَنِّبُوا مَسَاجِدَكُمْ صِبْيَانَكُمْ.........))
Apni masaajid ko apne bachcho se Mehfooz rakho..... (Sunan Ibn Majah :750)

yeh riwayat kayi wajah se Za'eef hai:

1. Utba Bin Yaqzaan “Za'eef” hai. (Al-Taqreeb: 4444).
2. Haris bin Nabhaan “Matrook” hai. (Al-Taqreeb:1051).
3. Abu Saeed Al-Shami “Majhool” hai. (taqreeb: 8131).

*Tanbeeeh:* Imam Tabrani Rahmatullah ne Musnad e Shamiyyeen (4/307) mein wazahat ki hai ki yeh Abu Saeed, Abdul Qudoos Bin Habeeb hai aur wo matrook hai, dekhiye: Deewane Zoafa (2586) wagerah.

Is riwayat ka ek shahid Al-Sunan Al-Kubra -lil-Baihaqi (10/103) mein hai, lakin wo bhi Ala bin Kaseer Al- Shami matrook (taqreeb: 5254) ki wajah se sakht zaeef hai.

Iske baraks Sahih Ahadees ki roo se saabit hai ki har umar ke bachcho ko masjid laaya ja sakta hai.

Sayyiduna Abu Qatada Razi Allahu Anhu farmate hain: “Ek dafa hum masjid mein baithe the ki Rasoolullah ﷺ (apni nawaasi) Umama binte Abul Aas Bin Rabi’ ko uthaye hue hamare pass tashreef laaye.” (Sahih Muslim:543)

Imam Nasai Rahmatullah ne is hadees par bayein alfaaz baab qayam kiya hai: “باب إِدْخَالِ الصِّبْيَانِ الْمَسَاجِد” Bachcho ko masaajid mein le jaane ka bayaan. (Sunan Nasai Qabl Hadees:712)

Ek taweel hadees yeh hai ki Rabi’ Binte Mao’oz bin A’fra Razi Allahu Anhuma ne farmayaa: “hum khud (a’shoora ka) roza rakhte aur agar Allah chahta to apne chote bachcho ko bhi roza rakhwate the aur hum (in bachcho ke hamraah) masjid ki taraf jaate to unke liye oon ka khilona bana lete, jab unmein se koi iftaar ke qareeb khaane ke liye rota to ham (uski tawajjo hatane ke liye) wo (khilona) use de dete.” (Sahih Muslim:1136)

Yeh hadees daleel hai ki Ahde nabuwwat mein sahaabiyaat wa sahaaba kiraam Razi Allahu anhum apne bachcho ko apne hamrah masjid le ke jaate the.

Isi tarah Sayyiduna Anas Bin Malik Razi Allahu Anhu se riwayat hai ki: “Rasoolullah ﷺ maa ke saath (aaye hue) bachche ka rona sunte, jabki aap namaaz mein hote to halki soorat, yaani ise mukhtasar kar lete (phir koi) choti soorat padhte the.” (Sahih Muslim:470)

Rasoolullah ﷺ ne farmaaya: “Apne bachcho ko namaaz padhne ka hukm do jab wo saat saal ke ho jayein aur jab wo das baras ke hon to unhein namaaz chorne par maro aur unke bistar juda kar do.” (Sunan Abu Dawood: 494, Sunan Tirmizi: 407 Wasanaduhu Sahih)

Darj baala tahqeeq se Ma'loom hota hai ke jis riwayath me Bachon ko Masajid me Le jaane ki mumani'ath hai wo sanad ke etebar se Shadeed Za'eef hai aur deegar Sahih Ahadees se saabit hai ki bachcho ko masjid mein apne saath le kar jaana masnoon hai taaki unki tarbiyat ho aur unhein namaz ki ahmiyat ma'loom ho sake.
هذا ما عندي والله أعلم بالصواب۔

[Mahnama Isha'tul hadees,Shumara no.126 Safa:7-8]
 
Last edited:

Similar threads