• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Ball Pool aur naujawan

Umar Asari

Active Member
Staff member
Joined
Oct 30, 2016
Messages
1,169
Likes
2,935
Points
96
Location
New Delhi, India
#1
Ball Pool aur naujawan

Romanised by: Umar Asari

Daur e haazir mein “8 Baal Pool” naam ke game mein naujawanon ki ek bahut badi ta’daad mulawwis nazar aati hai aaj kal Social Media par yeh game urooj par hai aur naujawan apna qeemti waqt is game mein barbaad kar rahe hain jabki yeh naujawan hi qaum ka sarmaya hain lekin ab unhein khurafaat aur waqt barbaad karne ki aadat si ban chuki hai.
Agar hum apne pooore shehar par ek nazar daalte hain to yaqeenan hamein har muhalle mein naujawanon ki aksariyat mobile le kar der raat tak ghar ke bahar ya andar hi apne aap mein masroof nazar aayegi. Tamam naujawanon ko to nahi kaha jaa sakta magar aksariyat is game mein mulawwis nazar aayenge aur lakhon kadodon ki baat karte huwe milenge. Yeh haqeeqatan paison ki baat nahi balki apne game se mutalliq coin ki baat karte nazar aayenge.
Afsos! Yeh naujawan apni jawani ko kahan barbaad kar rahe hain, apna qeemti waqt kis tarah se lahw o la’ib mein guzaar rahe hain jabki waqt ek aisi cheez hai jo kabhi laut kar wapas nahi aati khaas taur se naujawanon ko waqt ki ahmiyat aur uske taqaaze par ghaur o fikr karna chahiye. Aisa nahi hai ke social media sirf lahw o la’ib aur masti ki jagah hai balki naujawan agar is se faida uthaana chahein to bahut ilmi faida haasil kar sakte hain.
Naujawan hi qaum o millat ka qeemti sarmaya hain naujawan muttahid ho kar har namumkin cheez ko mumkin bana sakte hain halaat ka datt kar muqaabla kar sakte hain. Magar ab koi kisi ka khair khwah aur madadgaar nazar nahi aata sab ko apni hi padi hai sab muntashir ho chuke hain yahi wajah hai ke aaj ummat e musalimah par zulm o sitam ke pahaad tode jaa rahe hain.
Sab se bada masla to yeh hai ke jab naujawanon ko islaah karne ki koshish ki jaaye to fauran jawab de kar guzar jaate hain. Aakhir hamaare yeh naujawan kahan jaa rahe hain? Kisi shayar ne kaha hai ke:
Sambhal kar guftugu karna buzurgon!
Ke bachche ab palat kar bolte hain

Meri yeh baatein talkh zaroor hain yeh game khelne waalon ke liye magar raat ki tanhaayi mein zara dil par haath rakh ek baar zaroor meri baaton par ghaur o fikr karen shayad aap ko haqeeqat nazar aaye.
Beharhaal naujawanon se khaas taur se appeal hai ke zara apna muhasba karen ke woh apna waqt kahan barbaad kar rahe hain aur kya karna chaahiye ki woh mustaqbil mein kamyaab ho saken.
Allah hamein khair ki taufeeq de.
Aameeen.
 

Isar Khan

New Member
Joined
Nov 8, 2016
Messages
32
Likes
31
Points
9
Location
Pune
#2
MashaAllah bahot acha post!
Is game ke baare me thodi wazahat chahunga..
"8 Ball Pool" karke jo game hai usme virtual coins milte hain. Is game ko khelne ke liye Bet lagani padti hai. Aur ye coins hum cash nahi kar sakte. Ye bass virtual coins hote hain..to kya aisi Betting bhi haraam ke hukm me aayegi?
 

Isar Khan

New Member
Joined
Nov 8, 2016
Messages
32
Likes
31
Points
9
Location
Pune
#3
MashaAllah bahot acha post!
Is game ke baare me thodi wazahat chahunga..
"8 Ball Pool" karke jo game hai usme virtual coins milte hain. Is game ko khelne ke liye Bet lagani padti hai. Aur ye coins hum cash nahi kar sakte. Ye bass virtual coins hote hain..to kya aisi Betting bhi haraam ke hukm me aayegi?
Iske jawab ka intezar hai..