• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Ihram utaar dene par dam laazim hai ?

Joined
May 1, 2017
Messages
128
Likes
105
Points
26
Location
Hyderabad
#1
Assalamualaikum Warehmatullahi Wabarkatahu

Umrah ki niyyat ki ghar se aur ihram b bandh liya hyderabad se, magar airport par pata chala ki jeedah nahi madina utarna hai pehle , phir ihram nikal diya, kya is par dam laazim hai..?

is masle ki rehnumayi kariye .
 

Umar Asari

Active Member
Staff member
Joined
Oct 30, 2016
Messages
1,133
Likes
2,893
Points
96
Location
New Delhi, India
#2
Walaikum Assalam Warehmatullahi Wabarakatuhu
Umrah ki niyyat ki ghar se aur ihram b bandh liya hyderabad se, magar airport par pata chala ki jeedah nahi madina utarna hai pehle , phir ihram nikal diya, kya is par dam laazim hai..?
Ek fatwa naqal kar raha hun.

Umre ka Ehraam baandh kar khol dena

Assalamu Alaikum Warehmatullahi Wabarakatuhu
Sawaal:
Main aur meri ahliya (wife) ne Umre ka program banaaya aur jis din program bana, usi din main ne Umre ka Ehraam baandh liya lekin phir program tabdeel kar liya aur kaha kisi doosre din jaayenge aur main ne Ehraam khol diya to kya is soorat mein mere liye koi kaffarah waghera hai?

Jawaab:
Walaikum Assalam Warehmatullahi Wabarakatuhu
الحمد لله، والصلاة والسلام علىٰ رسول الله، أما بعد​
Jab aap ne Umre ka Ehraam baandhne ki niyyat kar li to phir rujoo’ karna jaaiz nahi balki Hajj ki tarah Umrah ko poora karna bhi waajib hai, kiunki Irshaad-e-Baari Ta’ala hai:
وَأَتِمُّوا الحَجَّ وَالعُمرَ‌ةَ لِلَّهِ​
“Aur Allah (ki khushnodi) ke liye Hajj aur Umre ko poora karo.”
(Surah Al-Baqarah, Surah No: 2, Ayat No: 196)

Is par ahl-e-ilm ka ijmaa’ hai, lehaza aap ko chaahiye ke Ehraam pehnein aur fauran Makkah Mukarramah chale jaayen aur Tawaaf karen, Sa’ee karen aur baal mundwaa ya katwa den, is se aap ka Umrah mukammal ho jaayega aur azraah-e-jihaalat (jihaalat aur la-ilmi ki bina par) aap ne jo khusbhoo iste’maal ki, siley huwe kapde pahne aur sar ko dhaanp liya waghera to us se aap par kuch laazim nahi aur agar aap ko shar’ee hukm ka ilm tha ke Umrah ko jab ek baar shuru kar liya jaaye to yeh jaaiz nahi ke takmeel se pehle Ehraam khol diya jaaye lekin aap ne tasaahul (susti) se kaam lete huwe Ehraam khol diya to aap par laazim hai ke chhe (6) miskeeno ko khaana khilaayen ya ek bakri zabah karen ya teen Roze rakhen. Yeh kaffarah hai sar dhaanpne, siley huwe kapde pahanne, khusbhoo iste’maal karne, naakhun taraashne aur sar mundaane waghera ka. In mein se har cheez ka ek mustaqil kaffarah hai aur woh yeh ke in teeno mein se koi ek kaffarah ada kar diya jaaye. Yaad rahe ke Roze to kisi bhi jagah rakhe jaa sakte hain lekin khaana khilaane ki soorat main yeh zaroori hai ke woh Haram ke miskeeno ko khilaaya jaaye. Har miskeen ko nisf Saa’ khujoor ya shahar mein jo khuraak iste’maal hoti ho woh de di jaaye, isi tarah bakri ka gosht bhi masakeen-e-Haram (Haram ke miskeeno) mein taqseem kiya jaaye. Aur agar isi tarah aap ne Ehraam kholne ke baad apni biwi se sohbat bhi kar li hai to phir waajib yeh hai ke us Umrah ko mukammal karen aur phir us ki qaza bhi den aur Ehraam wahan se baandhein jahaan se pehli martaba Ehraam baandha tha, is ke alawah aap par dam bhi laazim hai aur woh yeh ke ek bhed ya bakri zabah kar ke fuqaraa-e-Makkah (Makkah ke fuqaraa) mein taqseem kar di jaaye. Bhed ya bakri ke bajaaye oont ya gaaye ke saatwen hisse mein shirkat bhi jaaiz hai. Is ke saath saath is azeem ibadat mein tasaahul (susti) ki wajah se Allah ﷻ ki baargaah mein taubah karni bhi zaroori hai. Allah ﷻ hamein aur aap ko Taubat-un-Nasooh (Khalis Taubah) ki taufeeq bakhshe aur hamein, aap ko aur tamaam musalmaano ko shaitaan ke waswason se mehfooz rakhe.
ھذا ما عندی واللہ اعلم بالصواب​
Muhaddis Fatwa
Fatwa Committee
 

Umar Asari

Active Member
Staff member
Joined
Oct 30, 2016
Messages
1,133
Likes
2,893
Points
96
Location
New Delhi, India
#4
Assalamualaikum Warehmatullahi Wabarkatahu

Umrah ki niyyat ki ghar se aur ihram b bandh liya hyderabad se, magar airport par pata chala ki jeedah nahi madina utarna hai pehle , phir ihram nikal diya, kya is par dam laazim hai..?

is masle ki rehnumayi kariye .
Waise ticket aur voucher waghera mein sab kuch likha hota hai. Jo airport par jaane se pehle aam taur par hajiyon ke paas hote hain.
Bahr e soorat aindah aisi soorat e haal se bachne ka tareeqa yeh hai ke Umrah ya Hajj ki niyyat karte huwe, saath yeh bhi niyat kar len ke agar koi majboori ya pareshani aa gayi to Umrah ya Hajj ki niyayt khatm.
Hadees ke alfaaz yeh hain:
اللهم مَحِلِّي حَيثُ حَبَستَنِي​
Yani Aye Allah jahan rukawat pesh aa gayi to main halal hone ki niyyat karta hun.