1. This site uses cookies. By continuing to use this site, you are agreeing to our use of cookies. Learn More.
  2. Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Jinnat ki duniya (The world of jins)

Discussion in 'Jadu Aur Nazr e Bad' started by Siraj, Dec 1, 2017.

  1. Siraj

    Siraj Active Member Staff Member Moderator

    Joined:
    Nov 3, 2016
    Messages:
    157
    Likes Received:
    312
    Trophy Points:
    46
    Gender:
    Male
    Location:
    Lucknow
    بسم اللہ الرحمن الرحیم

    Jinnat ke talluq se hamarey maashrey mein logo mein bahut si galatfehmiya faili hui hain, baaz log yeh samjhtey Hain Ki jinn alag hote Hain or Jinnat alag, balki aiesa nahi Hai jinn ek jinn ko kahte Hain or Jinnat ek se zada jinn ko yani Jinnat jinn ki jama (plural) Hai.
    Jis Tarah Allah taala ne hum Insano ko apni ibadat ke liye paida kiya hai theek usi Tarah Allah taala ne Jinnat ko bhi apni ibadat ke liye paida kiya hain Jaise ki Quran majid ki surah al zaariya ki aayat number 56 se maloom hota Hai.
    Yeh Jinnat bhi hamari Tarah Allah Ki makhlooq Hain, Yeh khud Allah ke mohtaj Hain, magar baaz gumrah log in Jinnat se madad talab karte hain jo ek khula shirk Hai, Allah aiese logo ko hidayat ata farmaaye. Ameen.

    Jinnat kaise hote Hain?
    Jinnat kya khate Hain?
    Yeh kaha rahte Hain?
    Is Tarah ke bohot se sawal ke jawab niche quran aur Hadith ki roshni mein Sheikh Muhammad Saleeh al Munajjid saheb ke Article ke Zariye diye ja Rahe Hain

    Allahamdullilah
    kitab wa sunnat ki dalail jinno ke wajood per dalalat karte hain or inko is zindagi mein wajood ka maqsad or garz o gayat allah wahdahu la sharik ki ibadat hai...Farman e bari taala hai:

    Or maine jinno or Insaano ko sirf isliye paida kiya hai taaki wo Sirf meri ibadat kare"
    (Surah Al-Zariyat: 56)

    or allah taala ka irshad hai:
    "aye jinno or insano ki jamat kya tumhare pass tum mein se hi rasool nhi aye theay jo tumse Mere ahkam bayan karte theay
    (Surah Al-An'aam: 130)

    or jinno ki makhlooq ek mustaqil or alag hai jiski apni ek tabiyat hai jisse woh dusro se mumtaz hote hain or inki wo sifat hain jo ki insano per makhfee hain toh in mein or insano mein jo qadr e mushtarak (common) hai wo yeh Hain ke aqal or quwwat madrak ki or khair or shar ko ikhtyar karne mein in dono ki sifat ek hai. jinn ko jinn chupne ki wajha se kaha jata hai yaani ki woh ankho se chipe hue hai- allah taala ka irshad hai:"beshak woh or uska lashkar tumhe waha se dekhta hai jaha se tum isse nhi dekh skte
    (Surah al aaraf: 27)

    jino ki asliyat:
    Allah taala ne apni izzat wali kitaab mein jino ki asli khilqat ke mutalliq batatey hue farmate Hain " aur is se pehlay hum ne jinno ko lau wali aag se paida kiya
    (surah al hajr aayat: 65)

    aur irshad baari taala hai :" aur Jinnat ko aag ke sholay se paida kiya "
    Quran Al Rahman aayat 15

    aur aisha razi Allah anha se sahih hadees mein marwi hai woh bayan karti hain ke nabi Sallallahu Alaihi wasallam ne farmaya farishtay noor se paida kiye gaye hain aur jino ko aag se paida kiya gaya hai aur aadam ) alaihi salam ( ki paidaiesh ka Wasf tumhe bayan kya gaya hai. ( usay muslim ne apni sahih mein bayan kya hai.

    jino ki aqsam :
    Allah taala ne jinno ki mukhtalif aqsam paida farmai Hain jo ke apni shakalein badal sakte hain maslan kuttay saanp aur kuch woh hain jo paron walay hain aur hawaon mein urdtay hain. aur kuch woh hain jo aabad honay walay hain aur kuch karne walay hain. Abu salbah khashi razi Allah anho bayan karte hain ke nabi Sallallahu Alaihi wasallam ne farmaya ke : ) jino ki teen qismein hain ek qisam ke par hain aur hawaon mein urdtey phirtay hain. aur aik qisam saanp aur kuttey hain aur aik qisam abad honay walay aur kooch (journey) karne walay hain. ( issey tahawi ne mushkil al asaar mein ) 4 / 95 ( aur tabrani ne al kabeer mein ) 22 / 114 ( riwayat kya hai aur Sheikh albani Rehma Allah alaihi ne mishkat 21206 number 4148( mein kaha hai ke usay tahawi aur abu'l sheikh ne sahih sanad ke sath riwayat kiya hain.

    jin aur aadam ki aulaad :
    aulaad aadam ke har fard ke sath iska jino mein se ek hum nasheen hai Ibn masood razi Allah anho bayan karte hain ke nabi Sallallahu Alaihi wasallam ne farmaya : ) tum mein se har ek ke sath jinno mein se is ka hum nasheen ( qareen) hain toh sahaba ne kaha aye Allah ke rasool aur aap? to unhone farmaya aur mein bhi magar Allah ne meri madad farmai hai aur woh musalman ho gaya hai to woh mujhe bhalai ke alawa kisi cheez ko naahi kehta. ( usay muslim ne ) 2814 ( riwayat kiya hai. aur imam nauwi ne sharah muslim ) 17 175 ( mein iski sharah karte hue kaha hai ke فاسلم : yani woh momin ho gaya hai aur yeh zahir hai. qaazi ka kehna hai ke jaan lo ke ummat is par mujtma hai ke nabi Sallallahu alaihe wasallam shaitaan se jismani aur zabani aur hawaas (sence) ke aitbaar se bhi bachaaye gaye hain to is hadees mein hum nasheen ) qareen ( ke fitnah aur waswasa aur uskay agwa ke mutaliq Tahzir hai yani is se bachna chahiye Kyunki hame yeh bataya gaya hai ke woh hamaray sath hai to hum isse hati al amkan (even better) bachney ki koshish kare .

    unki taaqat aur qudrat :

    Allah taala ne jinno ko woh qudrat di hai jo ke insaan ko nahi di. Allah taala ne hamaray liye unki baaz qudraat bayan ki hain un mein se baaz yeh hain. intikaal aur harkat ke aitbaar se Saree (fast) hain. Allah ta"ala ke nabi Sulaiman aleh salam se ek sakht aur chalaak jinn ne Yemen ki malka ka takhat bait al muqaddas mein itni muddat mein laane ka wada kiya ke ek aadmi majlis se Na utha ho.
    irshad baari taala hai. ‏
    Ek qawi hekal (strong) jinn kehnay laga isse Pehle ke aap apni majlis se uthein mein usay apke paas laa kar haazir kar dunga yaqeen maney main is par Qadir hu aur hu bhi amanat daar jis ke paas kitaab ka ilm tha woh bol utha ke aap palak jhapaktein mein is se bhi Pehle aapke paas pahucha sakta hu jab aap ne usay –apne paas paaya toh farmaney lagey yahi mere rab ka fazl hai"
    Quran surah naml Ayat 39,40

    jinno ka khana aur Peena :

    Jinnat khatey or peetey :
    Abdullah bin masood razi Allah anhu bayaan farmatey hain ke nabi Sallallahu Alaihi wasallam ne farmaya. ) mere paas jinno ka Daiee aaya to main iske sath gaya un par quran pardha farmaya ke woh hamein lekar gaya aur –apne assaar aur apni aag ke assaar dekhaye aur nabi Sallallahu Alaihi wasallam se zaad raah ) khanay ( ke mutaliq poocha to unhone kaha ke har woh haddi jis par Allah ka naam liya gaya ho woh tumahare haath aayegi toh woh gosht hogi aur har mingni tumahare janwaron ka charah hai. toh nabi Sallallahu Alaihi wasallam ne farmaya un dono se istinja Na karo kyuki ye Tumhare bhaiyon ka khana hai ( usay muslim ne ) 450 ( rivayet kiya hai. aur ek rivayet mein hai ke ) Beshak mere paas naseebin jinno ka ek wafd Aaya aur woh jinn bohat achche theay toh unhone ne khanay ke mutaliq poocha toh mein ne Allah taala se unke liye dua ki ke woh kisi haddi aur laid ke paas se guzen to woh usse apna khana payen ( usay bukhari ne ) 3571 ( rivayet kya hai. toh jinno mein se momin jinno ka khana har woh haddi hai jis par Allah ka naam liya gaya ho Kyunki nabi Sallallahu Alaihi wasallam ne unke liye jis par bismillah Na pardhi gayi ho isse unke liye Mubah qarar nahi diya aur woh jis par bismillah nahi pardhi gayi woh kafir jinno ke liye Hain

    Jinno ke janwar :

    Ibne masood razi Allah anho ki Sabiqa hadees mein hai ke jinno ne nabi Sallallahu Alaihi wasalam se khane ke mutaliq poocha to aap ne farmaya : aur har mingni tumahray janwaron ka charah Hain

    jinno ki rihaysh :
    jis zameen par hum zindagi guzaar Rahe Hain is par woh bhi rehtay hain aur inki rahaish aksar kharab jaghon aur gandagi wali jagah hai maslan toilet aur qabrain aur gandagi fekney aur pakhana karne ki jagah to isiliye nabi Sallallahu Alaihi wasalam ne un jaghon mein daakhil hote waqt asbaab apnaney ko kaha hai aur woh asbaab azkar aur duayen hain. unhi mein se anas bin maalik razi Allah anho ki hadees Hain ke woh bayan karte hain ke nabi Sallallahu Alaihi wasalam jab bait al khala (toilet) jate toh yeh kaha karte they }
    اللَّهُمَّ إِنِّي أَعُوذُ بِكَ مِنَ الْخُبْثِ وَالْخَبَائِثِ

    Aye Allah main khabees aur khabeesyun se teri panah mein aata hoon


    Isse bukhari ne 142 aur muslim ne 375 riwayat kiya Hain.

    Khittaabi ka qoul hain ke al khabees yeh khabees ki jamaat hai aur Al khabaais yeh khabaisah ki jama hai aur isse murad shaitano mein se mazkoor aur mo'annas hain

    jinno mein momin bhi aur kafir bhi hain :
    jinno ke mutaliq Allah taala ka irshad hai.
    " hum mein baaz toh musalman hain aur baaz be insaaf hain pas jo farmanbardar ho gay unhone toh rah raast ka qasad kiya aur jo zalim hain wo jahannum ka eendhan ban gay'
    Surah jinn 14,15
    Aur is ummat ke pehlay jinno ka islam laane ka qissa Abdullah bin abbas razi Allah anhuma ki hadees mein aaya hai woh bayan karte hain ke nabi Sallallahu Alaihi wasallam –apne kuch sahaba razi Allah anhum ke sath ukaz (market of ukaz) janey ke iradah se chalay aur shaitaan aur aasman ki khabron ke darmain parda haail kar diya gaya aur un par Shahab Saqib (angaar) maaray janey lagey to shaitaan apni qoum mein wapas Aaye toh inhen poochnay lagey ke tumhe kya hai? to unhone jawab diya ke hamaray aur aasman ki khabron ke darmain koi cheez haail kar di gayi hai aur hame Shahab Saqib (angaar) maaray jatay hain to qoum kehnay lagi Tumhare aur aasman ki khabron ke darmain haail hone ka koi sabab koi haadsa hain jo hua hai toh zameen ke mashriq o maghrib mein phail jao ﴾ aur dekho ke woh kon si cheez hai jo ke Tumhare aur aasman ki khabron ke darmiyan hui hai. toh woh jinn Tahama ki taraf gaye they woh ukaz (ukaz bazaar) janey ki gharz se nakhlah Nami jagah par –aap sahaba ko Fajr ki namaz pardha rahe theay toh jab jinno ne quran suna toh is par kaan laga liye aur usse ghaur se suuney lagey toh kahne lagey Allah ki qisam yahi hai jo tumahare aur aasman ki khabron ke darmain haail hua Hain toh wahein se apni qoum ki taraf wapas paltay aur inhen kahne lage ay hamari qaom humne ajeeb quran suna hain jo raah raast ki taraf rahnumai karta hai hum imaan laa chuke (ab) hum hargiz kisi ko apne rab ka shareek nahi banayein gay toh Allah taala ne –apne nabi Sallallahu Alaihi wasallam par yeh aayat nazil farmai :" keh do meri taraf wahi ki gayi hai ke jinno ki ek jamaat Ne ( quran) suna toh nabi Sallallahu Alaihi wasallam ki taraf jinno ka qoul he wahi Kiya gaya. Isse bukhari ny 773 pe rivayat Kiya Hain

    . qayamat ke din unka hisaab o kitaab :

    qayamat ke din jinno ka hisaab o kitaab bhi hoga. mujahid Rahmatullahi ne Allah taala ke is farmaan ke mutaliq kaha hai ke' ' aur yaqeenan jinno ko yeh maloom hai ke woh paish kiye jayen ge' '

    jinno ki aziat se bachao :

    jabki jinn hame dekhte hain aur hum inhen nahi dekh sakte to isliye nabi Sallallahu Alaihi wasalam naay hame unki aziat se bachney ke liye bohat se tareeqay sikhayein hain maslan shaitaan mardood se Allah taala ki panah mein aana aur surah al falaq aur al naas pardna . aur quran mein shaitaan se panah ke mutaliq aaya hai.
    وَقُلْ رَبِّ أَعُوذُ بِكَ مِنْ هَمَزَاتِ الشَّيَاطِينِ وَأَعُوذُ بِكَ رَبِّ أَنْ يَحْضُرُونِ
    aur dua karen aYe mere rab main shaitaan ke waswason se teri panah chahta hon aur aYe rab main teri panah chahta hu ke woh mere paas aayein


    Surah momin 97- 98

    aur esi tarha ghar mein daakhil honay se aur khana khanay se aur pani peenay se aur jamaa (hambistri) se pehlay bismillah parda shaitano ko ghar mein raat guzaarne aur khanay peenay aur jamaa (hambistri) mein shirkat se rok deta hai aur esi tarha toilet mein daakhil honay se pehlay aur libaas utaarnay se qabal jinn ko Insaan ki sharm gah aur usay takleef dene se mana kar deta Hain jaisa ke nabi Sallallahu Alaihi wasallam ka irshad hai. ) jab ensaan bait-ul-khala(toilet) jata hai to bismillah Allah kahe yeh iski sharm gaah gah aur jinn ki aankhon ke darmiyan parda ho ga

    ( usay tirmizi ne 551 rivayet kiya hain aur yeh sahih al jamey mein 3611 pe Hain
    (lakin yaad Rahe bismillah or toilet jane ki dua toilet mein daakhil hone se pahle pardna Hain)
    aur quwat e imaan aur quwat e deen bhi shaitaan ki aziat se rukawat hain balki agar woh maar ka kare toh saheb e emaan kamyaab ho ga jaisa ke Abdullah bin masood razi Allah anho se bayan Kiya jata hai ke : nabi Sallallahu Alaihi wasallam ke sahaba mein se ek aadmi jinn se mila aur isse muqaabla kiya to ensaan ne jinn ko bichhard (knocked down) diya toh Insan kehne laga kya baat hai mein tujhe dubla patla aur kamzor dekh raha hu aur yeh tere dono baazu aise hain Jaise kutte ke ho kiya sab jinn esi tarha ke hote hain ya un mein se tu he aisa hain? to isne jawab diya ke nahi Allah ki qasam mein to un mein se kuch achchi pasli wala Hu lekin mere sath dobarah muqaabla kar agar toh tuney mujhe pichhard diya toh main tujhe ek nafa mand cheez sikhaau toh kahne laga laga theek hain ke tu aayatal kursi } parda kar toh jis ghar mein bhi pardhega wahan se shaitaan is tarha nikle ga ke gadhe ki tarha iski hawa kharij hogi toh phir woh subah tak is ghar mein nahi aaye ga.
    (al daarimi 3247)

    toh jinno aur unki khalqat aur tabiyat ke mutaliq mukhtasir sa bayan tha Allah he behtar hifazat karne wala aur woh Arrahmanir rahim Hain.
    mazeed tafseel ke liye dekhen kitaab AL JINN WASHSHAITAAN

    Wallah hu aalam

    SheikhMohammad Saleh al Munajjid..
     
    Umar Asari Aur Shad Alam Ne Ise Pasand Kiya Hai.

Share This Page