Shona shaikh
Active member
Bismillahirrahmanirraheem
MASLA EID MILAADUN NABI (Sallallahu Alaihe Wasallam) AUR ISKI HAQEEQAT:
MASLA EID MILAADUN NABI (Sallallahu Alaihe Wasallam) AUR ISKI HAQEEQAT:
Meelaad aur mawlid se muraad wah ijtemaat hain jo 1 rabi'ul awwal se 12 rabi'ul awwal tak masalmanon ke gharon, masjidon, aur aam jagahon par munaqid howa karte hain,
jinme nabi e akram Sallalaho Alaihi Wasallam ki seerat e taiyyaba ka kuch hissa padha jaata hai, pur'asraar aur tarannum ke saath ghulu aur shirk se lipte naghme pesh kiye jaate hain,
Nabi e Akram Sallalaho Alaihi Wasallam ka nasab paak, qissa wilaadat aur baaz khususiyaat ka zikr kiya jaata hai,
meelaad manane waale nabi e akram sallalaho alaihi wasallam ki wilaadat mubaarak ka zikr karte hue taazeeman khade ho jaate hain aur aqeedat rakhte hain ke nabi e akram sallalaho alaihi wasallam tasreef laaye hue hain, duniya ke baaz mulkon me is din madaris me taateel rahti hai, halaanke jashn e meelaad manana Hinduon aur isaaaiyyon ki andhi taqleed hai,Isliye ke nasraani isa maseeh (as) ki wilaadat ka jashn manaate hai aur Hindu Raam ki janmashtami manaate hain, lekin afsos ke bahut saare jaahil awaam aur gumraah kun ulema har saal maah e rabi'ul awwal me milaad un nabi ke naam se jashn wa juloos ka ehtemam karte hain,
jis tarah nasaara Isa Maseeh (as) ki meelaad (christmas) manate hain theek usi tarah musalman bhi nabi e akram sallalaho alaihi wasallam ki meelaad manaate hain aur meelaad ki har cheez me unki taqleed karte hain, jabke is tarah ke jashn wa juloos bidat wa khuraafaat aur nasaara ki taqleed ke saath bahut se munkiraat aur shirkiya amaal me dhoobe rahte hain.
aise shirkiya qalaam pesh kiye jaate hain jinme nabi e akram sallalaho alaihi wasallam ke haq me ghulu hota hai, Allah taala ke bajaaye nabi e akram sallalaho alaihi wasallam ko haazir wa naazir samjh kar aap hi se duayen maangi jaati hain,ghaus e aazam ko na chhodne ki Awaaz aur ratt lagaayi jaati hai.
halaanke nabi e akram sallalaho alaihi wasallam ka farmaan bilkul waazeh hai ke:
"meri taareef me ghulu na karna, jis tarah nasaara ne ibn maryam (as) ki taareef me ghulu kiya hai, beshaq main banda hoon pas mujhe allah ka banda aur uska rasool kaha karo "(mutawaffiq allaih)
Hadith me waarid lafz "ir'raah" ka mafhoom yahi hai ke taareef me ghulu karna,
meelaad un nabi ke jashn julooos me shareek hone waalon ka amooman yahi aqeedah hota hai ke nabi e akram sallalaho alaihi wasallam ba'zaat khud is mahfil me tasreef laate hain, iske elaawah iski dusri buraaiyyan ye hai ke in julooson me log ijtemaayi taur par naat khwaani karte hain, gaane aur qawwali ka poora ehtemam karte hain, soofiya ke azkaar padhte hain, inme aurat aur mard ka akhtalaat hota hai, jisse fitna wa fasaad paida hota hai, logon ke fahash kaamon me pad jaane ka khatrah hota hai, baaz bade Shahron me kisi daadhi munde, be'namazi ya kisi ghair muslim leader se eid meelad ke juloos ka inaugration karaaya jaata hai,
is tarah ye jashn e meelaad bidat, munkir aur zaahiri muhabbat ke saath saath shirkiya aamaal ka namoona pesh karta hai, agar ye mahfilen tamam buraiyyon se paak hon tab bhi is qism ka jashn manaana, ijtemaayi taur par khaana wa peena, khushi wa masarrat ka izhaar karna, ijtemaai zikr karna, khuli hui bidat aur gumraahi hai,
meelaad un nabi manaana ek sareeh bidat hai, isliye ke kitab wa sunnat, salaf wa saaliheen aur khair ul quroon me iski koi misaal nahin milti hai, ye chauthi sadi hijri ki paidaawaar hai, shiya faatmion ne ise ijaad kiya hai,
Imam abu hafs taajuddin alfakhani ka kahna hai ke:
"ek jamat mujhse baar baar ye pooch rahi hai ke rabi'ul awwal me meelaad manaane ki kiya deen(sariyat) me koi asal aur daleel hai ? Chunke saaf taur par mujhse sawaal kiya gaya hai is liye Safaayi ke saath mera jawab hai ke kitab wa sunnat me iski koi asal nahin hai aur na hi laiq uswah aur salaf ke naqs e qadam par chalne waale ulema kiram se aisa manqool hai, balke mere nazdeek ye ek aisi bidat hai jise kuch bekaar aur kaahil qism ke logon ne ijaad kar rakha hai aur khaane peene waale nafs'paraston na peit bharne ka zariya bana rakha hai"
salaf us saaliheen se is bidat ka koi saboot nahin milta hai, jabke wah nabi e akram sallalaho alaihi wasallam se izhaar muhabbat ya itteba e sunnat me hamse zyaadah badh chadh kar hissa lene waale they, khair ke kaam me wah pesh pesh rahte they, isliye agar koi shakhs nabi e akram sallalaho alaihi wasallam ki muhabbat me bhi agar ye meelaad manaaye toh wah ek bidat ka martakab hai....
IS BIDAT KA AGHAAZ:
Ye baat har musalmaaan ko malum hai ke nabi e akram sallalaho alaihi wasallam ki wilaadat ka din 9 rabi'ul awwal aamul feel august 570 hai,
Jabke is bidat ko malik muzaffar ne 625 CE me misr me ijaad kiya tha, usse pahle iska koi saboot nahin milta hai, zaahiri baat hai ke jo cheez nabi e akram sallalaho alaihi wasallam aur sahaba kiram ke ahad me na rahi ho wah baad ke daur me deen kaise ho jaayegi ???
Balke hamara toh yah aqeeda hai ke ummat ke har amal ko ham nabi e akram sallalaho alaihi wasallam ke is farman par rakhen
"tum nayi ijaad ki hui cheezon se bacho, isliye ki har nayi nikaali hui cheez bidat hai, aur har bidat gumraahi hai"(rawaah ashaab us sunan)
MEELAAD MANAANE WAALON KI DALAIL KA JAYEZA:
Chunke eid meelaad manaane waale chand behuda aur na'qaabil e aitbaar aur badi daleelon ke zariye awaam ko uljhaaye rakhte hain, un daleelon ke zariye meelaadi musalmaano ko gumraah karte hain, unki daleel kuch is tarah hoti hain
1. eid meelaad me musalman apne nabi e akram sallalaho alaihi wasallam ki yaadgaar manaate hain Aur iske zariye apne nabi ke saath ulfat wa muhabbat ka muzahira karte hain.
2. eid meelaad ke zariye shumaail muhammadiyah aur nasab naama nabawiyah ka bayan hota hai.
3. eid milaad nabi e akram sallalaho alaihi wasallam ki wilaadat ki khushi hai, aur aisa karna imaan ki daleel hai.
4. is mauqa par musalman ek dusre ko khaana khilaate hain jo intehaayi ajar o sawaab ka kaam hai,
5. is mahfil ke zariye allah ka zikr hota hai aur nabi e akram sallalaho alaihi wasallam par durood o salaam bheja jaata hai,
ye paanch dalail hai jinhe eid meelaad manaane wale pesh karte karke awaam ko gumraah karte hain, zel ki sutoor me ham in dalail ka mukhtasar jawab pesh kar rahen hai, taake shaq wa ahubuhaat ke baadal chhant jaayen aur haq saaf ho sake
JAWAB:
1- Pahli daleel ke radd me ham kahenge ke kaun se musalman aisa hai jo din raat me nabi e akram sallalaho alaihi wasallam ka zikr 100 se zyada martaba na Karta ho, iske liye saalaana ya maahaana ijtema munaqid karna ya khususi majlisen munaqid karna kahin se saabit nahin hain, ek musalman din aur raat me jitni namazein padhta hai, har namaz me, har azaan wa iqaamat me aap nabi e akram sallalaho alaihi wasallam par durood wa salaam bhejta hai, isliye durood bhejne ke liye kisi khaas majlis ka munaqid karna ek lagu aur baatil amal hai,
2- Dusri daleel ye hai ke nabi e akram sallalaho alaihi wasallam ka nasab jaanne ke liye mahfil munaqid ki jaati hai toh iska jawab ye hai ke nabi e akram sallalaho alaihi wasallam ka naam wa nasab har musalman ke liye jaanna zaroori hai, aur iske liye ulema wa muqarrir, khutba aur waazein apne khutabat me gaahe ba'gaahe zikr karte rahen, naam wa nasab bayan karne ke liye saal me ek martaba mahfil munaqid karna ek be'buniyaad baat aur mangadant amal hai,
3- Teesri daleel bhi bilkul badi hai, wah ye ke is din nabi e akram sallalaho alaihi wasallam ki paidaish hui thi, is liye ham khushi manaate hain,
sahi qaul ke mutaabik nabi e akram sallalaho alaihi wasallam ki wilaadat aur wafaat ki tareekh mukhtalif hai, 9 rabi'ul awwal aapki taareekh wilaadat hai aur 12 rabi-ul awwal taareekh wafaat hai,
lekin meelaadi musalman taareekh wafaat hi ko taarekh wilaadat samjhte hain, goya nabi e akram sallalaho alaihi wasallam ki paidaish par nahin balke nabi e akram sallalaho alaihi wasallam ki wafaat ka jashn manaate hain, halaanke nabi e akram sallalaho alaihi wasallam ki wafaat ka saaneha musalmaano ke liye sabse badi museebat aur azeem saaneha hai, aur phir ek musalman jab bhi nabi e akram sallalaho alaihi wasallam ka naam aaye khushi mahsoos karna chahiye
4- Chauthi daleel ye hai ke is din ghareebon ko khaana khilaaya jaata hai, ye daleel ghujashta dalail se bhi kamzor hai, isliye ki khaana khilaane ki targheeb Us waqt hai jab khilaane ki zaroorat ho, mahman nawaazi, bhookhe ko khaana khilaana, sadqa wa khairaat aur khair ke tamam aamaal toh insaan saal bhar karta rahta hai iske liye mahfil meelaad ka ehtemam karna toh khud khaane peene ka ek kaarobaar ke siwa kuch bhi nahin hai
5- Paanchwi daleel ye hai ke is mahfil ke zariye zikr ke liye jama hote hain, ye illat bhi faasid aur baatil hai, is liye ke zikr ki ijtemaayi mahfilen munaqid karna salaf se saabit nahin hain, ye ijtema khud ek qaabil mujammat aur ejaad karda bidat hai, duniya bhar ke musalman din raat paanch waqt apni masjidon me jama hokar nabi e akram sallalaho alaihi wasallam ka zikr karte hain, jab aapki koi hadith pesh ki jaati hai toh aap par durood wa salaam bhejte hain, isliye alag se is qism ki mahfion ki koi zaroorat nahin hai
EK SHUBAH KA AZAALA:
Meelaadi musalman ek shubah ye bhi paida karte hain ke abu lahab ki wafaat ke baad kisi Ne use khwaab me dekha toh uski khairiyat poochi, usne kaha ke, aag ke azaab me mubtela hoon albatta har do shubah ki raat ko azaab me kami kar di jaati hai, aur apni dono ungaliyon ke darmiyaan se ungali ke sire ki taraf ishaara karke kaha ke
"itni miqdaar aur iski wajah ye hai ke jab uski laundi ne uske bhai abdullah bin abdul muttalib ke ghar bete ki paidaish ki khabar di (jis laundi ne nabi e akram sallalaho alaihi wasallam ko dhoodh pilaaya tha) toh usne usko azaad kar diya tha"
JAWAB
Ye shubah bhi chand wajuhaat se baatil hai, jiski tafseel ye hai:
1- Tamam musalmano ka is baat par ittefaaq hai ke shariat kisi ke khwaab se saabit nahin hoti, agarchah khwaab dekhne waala nabi ho, isliye ke ambiya ka khwaab wahi hota hai
2- Ye khwaab dekhne waale abbas bin abdul muttalib hain aur inse riwaayat karne waale ne bil'waasta riwaayat ki hai, isliye ye hadith mursal hai aur hadith mursal Na'qaabil e istadlal hai, na hi isse kisi ibaadat wa aqeedah ka saboot hota hai, saath hi ye bhi ehtemaal hai ke ibn abbas ne ye khwaab islam laane se pahle dekha ho aur kaafir ka khwaab qaabil istadlal nahin
salaf wa khalaf mese aksar ka mazhab hai ke kaafir agar kufar hi ki haalat me marr jaaye toh use uske nek aamaal ka koi ajar wa sawaab nahin milega aur yahi haq bhi hai,
jaisa ke allah taala ne farmaya hai:" aur ham unki taraf mutawajjoh honge aur unko udhti khaak kar den denge"(surah furqan 23)
" ye wah log hain jinhone apne rabb ki aayaton ka aur uske saamne haaziri ka inkaar kiya, pas unke aamaal ghaarat ho gaye, pas ham qayamat ke din unka koi wazan qayem na karenge"(surah kahaf 105)
abu lahab ne apne bhateeje ki wilaadat par jo khushi manaayi wah ek tabaee khushi thi, ta'bedi khushi na thi, kyonke insaan apne ya apne bhai aur apne rishtedaar ke yahan wilaadat hone se khush hota Hai aur koi khushi agar allah ke liye na ho toh us par koi ajar nahin milta hai, agar koi ye kahe ke eid meelaad me hamari khushi allah ke liye hai toh is ka jawab ye hai ke
" Deen me kisi amal par usi waqt ajar milega jab us amal ka subaat kitab wa sunnat me maujood ho, warna wah amal mardood hai "
Khulaasa kalaam ye hai ke eid meelaad manaane waalon ke dalail be'buniyaad hain, aur unka ye amal Quraan wa sunnat aur sunnat e khalifa e rashidoon se saabit nahin hai, isliye bidat hai.....
