• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Nabi ﷺ har jagah hazir o nazir aur aalim ul ghaib nahi hai

Joined
Nov 1, 2016
Messages
94
Likes
244
Points
26
Location
Lucknow
#1
بسم اللہ الرحمٰن الرحیم

EK WASWASA : Shaytan agar har jagah aakar logon ko behka sakta hai to kya Nabi sallallaho alaihi wasallam har jagah haazir o nazir nahi ho sakte ❓

Source:www.tohed.com

Romanised By :Bint e Iqbal

Al-jawab
Tamam duniya ko behkane ke liye ek hi shaytan muta’ayyan nahi kiya gaya hai balke har insaan ke sath jinno mein se ek qareen (saathi) paida kiya jata hai jo usey zindagi bhar behkata aur gumraah karta hai.


Janab Abdullah bin Masood Razi Allah anhu bayan karte hain ke Rasool Allah sallallaho alaihi wasallam ne farmaya :
"Tum mein se har ek aadmi ke sath uska jinn saathi muqarrar kiya gaya hai Sahaba e Kiraam ne arz kiya: Aap (sallallaho alaihi wasallam) ke sath bhi Ai Allah ke Rasool❓ Aapne farmaya haan mere sath bhi magar Allah ne mujhe us par madad farmai to woh musalman ho gaya pas woh mujhe neki hi ka hukm karta hai.

(Sahih Muslim: 7108)

Aur aisha Razi Allah anha ki rivayet mein hai ke har insaan ke sath shaytan hai. ”
(Sahih Muslim)


▪▫▪Quran e kareem mein Allah Rab ul izzat ka irshad hai :
"(qayamat ke din) us shakhs ka saathi (shaytan) kahega “Ai hamare parvar-digaar maine usey sarkash nahi banaya tha balke yeh khud door ki gumraahi mein pada hua tha“
(Surah Qaaf: 27)


Shaytan e Azam (iblees) akela yeh kaam nahi karta balke woh doosre shayateen ko us maqsad ke liye bhejta hai taake woh logon ko gumraah karen aur fitne mein mubtila karen.

Jabir Razi Allah anho bayan karte hain ke Rasool Allah sallallaho alaihi wasallam ne farmaya: “ Iblees apna takht pani ke oopar bichhata hai phir apni faujon (shayateen) ko hukm deta hai ke woh logon mein jaakar unhen gumraah karen aur fitnah daalen. Iblees ki is jama’at mein adna sa shaytan woh hai jo intehaa darjey ka fitnah pardaaz hota hai un mein se ek shaytan wapas aakar iblees se kehta hai ke maine aisa aisa kaam kiya woh kehta hai tune kuch nahi kiya uske baad ek shaytan aata hai aur kehta hai ke maine ek shakhs ka peecha us waqt tak nahi chhoda jab tak uske aur uski biwi ke darmiyan doori na daal di. Aap sallallaho alaihi wasallam ne farmaya: Yeh sun kar iblees usko qareeb kar leta hai aur kehta hai ke tu ne bohat achcha kaam kiya. A’mash Rahimahullah kehte hain ke mera khayaal hai ke Jabir Razi Allah anho (hadees ke Ravi) ne yeh alfaaz bhi kahe “ke iblees usey seene se laga leta hai. ”
(Sahih Muslim)


Is wazahat se maloom hua ke akela iblees (e Azam) yeh sara kaam nahi karta balke uske razakaar shaytan aur lashkar ye kaam sar-anjaam dete hain, lehaza sawal mein jo daawa kiya gaya hai woh ghalat hai.

Raha yeh daawa ke Rasool sallallaho alaihi wasallam har jagah haazir o Nazir hain to yeh daawa bhi quran o ahadees ke bilkul khilaaf hai. Rasool Allah sallallaho alaihi wasallam na to ghaib ka ilm jante the aur na hi hazir o nazir hain. Allah Ta'ala ne aap ko jab aur jis waqt chaha wahi ke zariye aagaah farma diya aur jab tak wahi nazil na hoti to aap us baat se bilkul be khabar rehte the.
Allah taala ka irshad hai:

"Aap (sallallaho alaihi wasallam) keh dejiye ke mein tum se yeh nahi kehta ke mere paas Allah ke khazane hain (yani Allah ke khazanon ka maalik mai nahi hun) aur na mai ghaib jaanta hun aur na mein tum se yeh kehta hun ke mai farishta hun. Mai to sirf us wahi ki ittebaa’ karta hun jo meri taraf ki jati hai .

(Surah Al-An’aam, Ayah: 50)

Allah Ta'ala ne Aap sallallaho alaihi wasallam se ilm e ghaib ki nafi farma di aur sath hi yeh bhi bayan kar diya ke aap sirf wahi ke tabe’daar hain, wahi aajane ke baad hi aap ghaib ki khabren dete the. La-ilm Muzare’ ka segha (jo arabic language mein future aur present tense ko bataata hai) hai yani mai ghaib nahi jaanta, mai ghaib nahi jaanunga (matlab mein na to ab ghaib jaanta hun aur na aindah jaan sakoonga) nez Allah ke khazanon ka bhi mai maalik nahi hun, mein ganj bakhsh nahi hun aur na hi mai noori (farishta) hun, ilm e ghaib sirf aur sirf khaassa e Rab hai (Allah ki khususiyat hai aur usi ke saath khaas hai).

Allah taala ka farmaan hai:
"Aap (sallallaho alaihi wasallam) keh dejiye ke aasman walon aur zameen walon mein koi bhi ghaib nahi jaanta siwaye Allah Ta'ala ke aur unhen to yeh bhi maloom nahi ke woh kab uthaye jayen ge ."
(Surah An-Naml: 65)

Aqeeda e hazir o nazir ke bare mein bhi chand ayaat mulahiza hon:
"Aur jab humne Moosa ki taraf hukm bheja to tum (toor ki) gharb ki taraf nahi the aur na us waqiye ke dekhne walon mein the. Lekin humne (Moosa ke baad) kayi ummaton ko paida kiya phir unpar muddat e taweel (lambi muddat) guzar gayi aur na tum Madyan walon mein rehne wale they ke un ko hamari ayatein padh padh kar sunaate the. Haan hum hi to paighambar bhejne wale the. Aur na tum us waqt jab ke humne (Moosa ko) aawaz di toor ke kinare the balke (tumhara bheja jana) tumhare parvar-digaar ki rehmat hai taaki tum unn logon ko jin ke paas tum se pehle koi hidaayat karne wala nahi aaya hidaayat karo taake woh naseehat pakden.
(Surah Al-Qasas, Ayat: 44-46)


Aap chunki Allah Ta'ala ke sachhey Nabi hain is liye Allah Ta'ala ney pichhli qaumon ke waqiyaat aap ko wahi ke zariye bata diye hain warna un waqiyaat ke zahoor ke waqt aap un maqamaat par mojood nahi the.

"Aur Allah Ta'ala aisa na karega ki Inn me aapke hote hue inko azaab de aur Allah inko azaab na dega is halat me ke wo istighfaar bhi karte hon".
(Surah Al-Anfaal: 33)


Maloom hua ke Nabi sallallaho alaihi wasallam ki maujoodgi ki wajah se logon par azaab nahi aa sakta. Ab chunke aap maujood nahi hain is liye tarah tarah ke azaab nazil ho rahe hain.

"Jab tum inme ho aur inke liye namaz khadi karo...........".
(Surah An-Nisa: 102)


is aayat se maloom hua ke Nabi sallallaho alaihi wasallam jab maujood hon to aap hi logon ko namaz padhayenge aur ab chunke aap maujood nahi hain is liye doosre imam logon ko namaz padha rahe hain.

is silsila mein mazeed hawalajaat ke liye mulaheza farmayen, Surah Yousuf aayat: 102, Surah hood aayat: 49, Surah Aal e Imran aayat: 44, waghera. agar Rasool Allah sallallaho alaihi wasallam ko haazir o nazir maan liya jaye to phir meraaj aur hijrat ke tamam waqiyat baatil qarar paate hain. Meraaj mein Nabi sallallaho alaihi wasallam Makkah se bayt ul muqdas tashreef le gaye (dekhiye surah bani israeel aayat: 1) aur phir aap zameen se aasman aur sidrat ul muntaha tak tashreef le gaye.
(Dekhiye Surah An-Najm ayaat: 13 - 18)


yani jab aap masjid e aqsa tashreef le gaye to phir Aap Makkah mein maujood na they aur jab Aap asmano par tashreef le gaye to zameen par maujood na they isi tarah jab Aap madinah tashreef le gaye to Aap Makkah mein mojood na they halaanki mushrikeen e Makkah Aap ko bahot mehnat se talaash kar rahe they. To maloom hua ke hazir o nazir ka aqeedah ahel islam ka nahi balke chaudahween sadi ke mushrikeen ka ijaad kardah hai.

Tambeeh: Shaytan e mardood ke ilm waghairah ka zikr, Nabi sallallaho alaihi wasallam ke sath karna Aap sallallaho alaihi wasallam ki gustaakhi hai. Allah Ta'ala apne pyare Nabi sallallaho alaihi wasallam ki gustaakhi se har musalman ko bachaaye. Ameeen

Join Our Telegram Channel
https://ⓣelegram.me/paighaameislam

Plz Like Our Facebook Page
https://www.facebook.com/Paighaam-e-Islam-190972424836684/
 

Similar threads