Qadiyaniyat Ke Badhte Qadam Aur Hamari Zimmedariyan


Qadiyaniyat Ke Badhte Qadam Aur Hamari Zimmedariyan

Tehreer: Shaikh Maqbool Ahmad Salafi Hafizahullaah

Islamic Dawah Center Taif Saudi Arab
Romanised by : Khadija Muhammadi

Aqeeda e Khatm e Nubuwwat, Aqaaid Ke Baab Me Ek Aham Tareen Aqeedah Hai. Ahd e Rasoolullah ﷺ Se Hi Is Aqeede Ki Hifazat Ki Gai Hai Aur Aaj Tak Balke Yah Keh Len Ki Qayamat Tak Manhaj E Salaf Par Chalne Wale Kama Haqqahu (Jaisa Ki Us Ka Haqq Hai) Uski Hifazat Karte Rahenge Is Silsile Me Munazir E Islaam Molana Sanaullaah Amratsari Rahimahullah Ka Naam Hamesha Sar e Fehrist Rahega. Islam Allah Ka Nizaam Aur Uske Dastoor Ka Naam Hai Is Liye Allah Ke Dushman Hamesha Se Islam Ke Khilaf Saazish Karte Rahe Magar Islam Hamesha Phalta Phulta Raha Aur Zamane Me Phailta Raha Allah Ne Is Deen Ko Tamaam Deen E Batila Par Gaalib Karne Ka Wada Kar Liya Hai Aur In-Sha-Allah Yah Ho Kar Rahega Chaahe Kuffaar Ki Sari Khudaai Iske Khilaaf Aapas Me Dost Aur Madadgaar Hi Kiun Na Ban Jaayen.
Nubuwwat Ke Naam Par Jis Tarah Ahd E Risalat Me Jhoothe Dawedaar Paida Hote Rahe Aaj Bhi Naye Rang Roop Le Kar Zaahir Ho Rahe Hain. Unke Aham Maqaasid Me Musalmano Ko Islam Se Door Karna, Ghairon Ko Islam Me Dakhil Hone Se Rokna Aur Duniya Waalon Par Islam Ki Image Bigaad Kar Paish Karna Hai. Is Ke Bil-Muqabil Ayse Nazariyat Paish Karna Hai Jis Se Zahir Ho Ke Aman Islam Me Nahi Hai Balke Hamare Paas Hai Ya Dusre Alfaaz Me Aysa Samjhen Ke Islam Woh Nahi Jo Purane Khayal Ke Daqyanoos Musalmaan Paish Kar Rahe Hain Balke Roshan Khayali, Bain al Aqwaami Aman Aur Salamti, Aalami Marasim Aur Rawabit Aur Asal Islam To Hamare Paas Hai. Yahi Wajah Thi Ke Istimaari Quwwat Ke Liye Hindustaan Me Jab Musalmano Ko Jihaad Se Rokne Ka Masla Aaya To Mirza Gulaam Ahmad Jaisa Wafadar Ghulaam Mila. Isne Angrez Wafadari Me Na Sirf Jihaad Ka Inkaar Kiya Balke Dhire Dhire Nubuwwat Ka Dawah Bhi Kar Betha. Mirza Gulaam Ahmad Kal Angrezon Ki Zaroorat Tha Aur Aaj Musalmano Ke Liye Bada Challenge Ban Kar Saamne Aa Gaya Hai. Molana Sanaullaah Amratsari Rahimahullah Se Mubahala Ke Bad Mirza Badtareen Maut Mar To Gaya Magar Piche Chhodi Gai Darjano Najis Kitaab Aur Paleed Aaqaaon Ki Madad Se Mirzaai Firqa Zinda Raha Jis Ke Manne Wale Hindustaan Aur Pakistaan Me Ziyada Tadad Me Aur Choti Choti Toliyo Me Duniya Ke Aksar Hisse Me Maujud Hain. Yah Arab Mamalik Samet Aqriqa Aur Magribi Mamalik Me Bhi Paaye Jaate Hain Yahan Tak Ke Israail Se Gehre Rawabit Hain. Jis Tarah Hindustaan Me Angregi Sarkaar Ne Is Shajra E Khabisa Ki Aabyaari Ki Usi Tarah Aaj Bhi Kar Rahi Hai. Israail Ki Taraf Se Use Bada Fund Milta Hai Jis Ke Zariye Yah Apni Dawati Missionaries, Rifaahi Idaare, Taalimi Center Chala Rahe Hain. Unhi Paison Ko Muballigheen Aur Qaadyani Kutub Aur Unki Nashar o Isha'at Par Kharch Kiya Jaata Hai. Pakistan Me Rabavah, Hindustaan Me Qadiyan Aur Israail Me Heefa Qadiyano Ka Markaz Hai. Israail Ki Tarah Hind Ki Sanghi Tanzeem RSS Se Bade Gehre Talluqaat Aur Ek Dusre Ke Dast Aur Bazu Hain. RSS Ki Zaili Sanghi Tanzeem 'Rashtriya Muslim Manch" Me Asal Kirdaar Musalmano Ka Nahi Qadiyanon Ka Hai. Bilaakhir Hamare Samne Jo Nataij Hai Woh Nihayat Hi Afsosnaak Hai. Din Badin Yah Firqa Apni Jade Mazboot Karta Chala Raha Hai Aur ISLAAM Ke Raste Me Aur Aqeedah Khatme Nabuwat Ke Baab Me Hamare Liye Badi Mushkilaat Paida Kar Raha Hai. Sab Se Badi Fikar Mandi To Yah Hai Ke Aaj Tak Jitne Bhi Log Iska Aala Bane Ya Ban Rahe Hai Unki Aksariyat Musalmano Ki Hai. Yah Firqa Musalmano Ko Gumraah Kar Ke Qaadyani Bana Raha Hai Kuy Ke Yah Khud Ko Musalman Zaahir Karta Hai,Apna Naam Ahmadi Ya Ahmadi Musalman Ya Ahmadiya Muslim Community Batlata Hai. Jis Mulk Me Bhi Yah Firqa Maujud Hai Us Mulk Me Hukoomati Taur Par Khud Ko Musalman Ki List Me Dakhil Karwane Ki Koshish Karta Hai. HINDUSTAAN Me Muslim Prosnal Low Board Me Shia Ki Bhi Rukniyat Hai, RSS Ke Zair E Asar Maqaamaat Par Waqaf Board Aur Haj Commety Ke Asal Zimma Daar Hote Hai Jab Ke Angrezi Daur E Hukoomat Me Mirza Gulaam AHMAD Ne Khud Ko Musalmano Se Alag Ek Mustaqil Firqa Ki Haisiyat Se Khud Ko Mutaruf Karwaya Tha Lekin Aazadi Ke Baad Congress Party Muslim Dushmani Me 2011 Ki Pehli Baar Mardoom Shumaari Ke Waqt Musalmano Ke Sath Shumaar Me Laai Aur Bar Waqt To BJP Hukoomat Hai Jis Ke Manshoor Me Muslim Dushmani Ke Alawah Kuch Hai Hi Nahi. Pakistaan Me Qadiyani Apna Qadam Mazboot Aur Hukoomati Satah Par Apni Pakad Bana Liya Tha Is Wajah Se Waha Bataur E Aain Gair Muslim Aqalliyat Qaraar Dene Me Kaafi Waqt Lag Raha Hai,1953 Ki Tehreek Khatam E Nabuwat Me Hazaro Musalmano Ne Jaam E Shahadat Nosh Kiya Fir Bhi Qadyaani Gair Muslim Hone Ka Mutalba Pura Na Ho Saka Taham Qadiyani Wazeer E Kharja Zafrulllaah Khan Ki Bartarafi Ho Gai Jis Ki Wajah Se Rabavah Me Ek Badi Araazi Qaadyani Markaz Ke Liye Alaat Ki Gai Thi. 70,000 Se Ziyada Ki Aabadi Wale City Rabavah Ki 97% Aabadi Qadyaniyo Par Muheet Hai Aur Is Jagah Ka Istemaal Qadiyaniyat Ki Tablig Me Bade Shadd Aur Mudd Ke Sath Kiya Ja Raha Hai. Aazaad Kashmir Ki Assembly 1973 Me Qadyaniyo Ko Gair Muslim Qaraar Diya Jab Ke April 1974 Me Rabta Aalam E Islaami Ne Makka Mukarrama Me Ek Bada Ijlaas Munaqid Kiya Jis Me Duniya Fir Se Muslim Tanzime Aur Ulmae Kiraam Ne Shirkat Ki Aur Is Ijlaas Me Mirzaai Ko Gair Muslim Qaraar De Kar Tamam Musalmano Se Is Ka Boycot Karne Us Se Mutanbba Rehne Aur Uska Dat Kar Muqabla Karne Ki Apeel Ki Isi Saal 7 September Ko Musalmano Ki Mushtarka Koshish Rang Laai Aur Pakistan Me Zulfiqaar Ali Bhattu Ke Ahad E Hukoomat Me Taweel Bahas Aur Munazara Ke Baad Qadyani Ko Dastoor Taur Par Gair Muslim Aqalliyat Qaraar De Kar Taarikh Raqam Ki Gai. Waha Awaami Taur Par Aaj Bhi 7 September Ko Yaum E Khatam E Nabuwat Ke Taur Par Manaya Jata Hai.
Tamhidi Baate Kuch Lambi Ho Gai Ab Aate Hai Asal Maqsad Ki Taraf Ke Mirzaai Taula Kis Tarah Apna Qadam Badha Aur Jama Raha Hai Use Samjhne Ki Zaroorat Hai Taaki Uska Badhta Qadam Roka Ja Sake Aur Fitna Irtidaad Ka Sadde Baab Kiya Ja Sake. Yah Kaam Musalmano Ke Kisi Makhsus Fard Ya Makhsus Tanzeem Ka Nahi Hai Balke Har Muvahid Ka Hai Tamam Musalmano Ka Hai Bilkhusus Ba-Asar Muslim Shakhsiyat, Zair E Qiyadat Muslim Hukmaraan Aur Aalami Paimane Par Asar Aur Nufooz Wali Muslim Tanzeemat Ka Hai.
*Qadyani Firqa Awaam Me Khud Ko Musalman Mushtahir Karta Hai Aur Sarkari Taur Par Musalman Ka Khitaab Pane Ke Liye Siyasi Hatkande Apnata Hai Zara Sa Kahi Mauqah Mila Qadyani Media Ko Barue Kaar Late Hue Duniya Bhar Me Iska Parchaar Karta Hai. Iski Ek Badi Misaal 2017 Me Abu Zabi Me Munaqid Hone Wale Bainul Aqwaami Confrance Se Le Le. Yah Confrance Shaikh Abdullaah Bin Baya Ki Qayadat Me
"تعزيز السلم فى المجتمع المسلم"
Ke Topic Se Hui Isme Na Jane Kaise Do Qadyani Bhi Sharik Ho Gae Unhone Usme Shirkat Ki Video Banai Aur Use Qadyani Channel Rabavah Times Ko Bhej Diya Jis Ne Mukhtalif Tariqah Se Kai Din Tak Namak Mirch Laga Kar Is Khair Ki Ishaat Ki,Logo Me Galat Fehmiya Phailata Raha Yaha Tak Ke Ek Shia Channel Ne Keh Diya Ke Saudi Mufti Ne Qadyani Ko Muslim Qaraar De Diya. Is Waqia Me Hamare Liye Nasihat Yah Hai Ke Apni Makhsus Majalis Se Unhe Door Rakhe Yah Kisi Bhi Bhes Me Bhi Ho Sakte Hai Aur Hamare Hi Programme Ko Hamare Khilaaf Morcha Bana Sakte Hai.
*Sarkari Ahdo Ki Husool Yaabi Aham Tareen Hatkandah Hai Qayadat Milne Ke Baad Zaila Qatarah Samaj Me Gholna Shuru Kar Deta Hai Jis Ke Zair E Asar Kamzor Imaan Walo Ka Dil Qadiyaniyat Ki Waba Se Bimaar Ho Jata Hai. Muhammad Zafrullaah Khan Ke Daur Me Pakistani Hukoomat Ki Taraf Se Rabavah Nami Jagah Ki Farahami Uski Zindah Misaal Hai. 1034 Ekad Par Mushtamil Yah Jagah Aaj Qadiyani Ki Tablig Ka Markaz Hai Aur Qadyaniyo Ka City Kehlata Hai. Yaha Qadiyani Ki Isha'at Ka Kon Sa Waseela Maujud Nahi Hai. Talimi Idaare, Tabligi Maraakiz,Ibaadat Gaahe,Qadyani Media Ka Behtar Intizaam Hai Aur Yah Duniya Bhar Ke Qadyaniyo Ki Tavjjoh Ka Na Sirf Markaz Hai Balke Uske Salana Ijtima Me Hindupaak Ke Alawah Tamam Mamalik Se Qadyani Sharik Hote Hai. Maazi Ki Is Galati Se Hame Sabaq Lena Hai Aur Aaindah Yah Mansuba Banana Hai Ke Hukoomat Ke Ayse Ohdo Par Kisi Qadyani Ko Bardasht Na Kiya Jaae Jis Se Islaam Aur Musalmano Ko Khatrah Laahiq Ho.
*Intishaar Aur Balvah Ke Mawaqe Se Faidah Uthana Bhi Qadyani Hatkandah Hai Ayse Halat Me Yah Log Badi Ayyari Se Apne Ifqaar Aur Khayalat Phailaane Ki Koshish Karte Hai Logo Ka Zahan Intishaar Me Mubtala Hota Hai Aur Qadyani Apne Mishan Ms Masroof Hote Hai Taaki Ayse Halat Me Koi Un Par Shak Bhi Na Kar Sake.
* Aap Yah Samjhe Ke Har Qadyani Muballig Hai,Student Ke Bhes Me, Rozgaar Ki Talash Me,Bimaar Ki Shakal Me, Akhbaari Numaindah Hone Ke Bahane Se Yani Woh Jis Roop Me Bhi Ho Ek Muballig Hai,Hame Har Qadyani Se Bachna Hai Aur Apna Imaan Bachana Hai Aur Dusro Ko Uska Aala Kaar Banne Se Rokna Hai.
* Qadyaani Ka Khatarnaak Jaal Jis Me Bade Bade Phans Jate Hai Kalmah Ki Tablig,Naram Akhlaaq Ka Muzahira,Shaaire Islaam Ka Istemaal Aur Khud Ko Musalman Batlana Hai. Jab Koi Qadyani Tablig Kare Ga To Kahe Ga Ham Bhi Musalman Hai.
لا إله إلا الله محمد رسول الله
Ki Tablig Karte Hai Masjid Me Namaz Ada Karte Hai Aur Mirza Gulaam Ahmad Ko Sirf Ek Muballig Aur Mujaddid Mante Hai JAB Ke Mirza Ko Apna Nabi Manta Hai Aur Kalma Me Muhammad Se Muraad Mirza Hi Leta Hai Is Tarah Shuru Me Mitha Zahar Denge Fir Maut Ke Ghaat Utaar Denge is Liye Koi Musalmaan Qadyani Se Dhoka Na Khaae Na Kalma Se,Na Uske Sha'air Se Aur Na Hi Achche Akhlaaq Se.
* Ek Bade Bhayanak Fareb Ka Pata Chala Hai Ke Qadyaaniyat Ki Tashheer Me ADIS Se Bhi Kaam Liya Jata Hai. Iska Tariqah Kaar Yah Hai Ke Dosti Ke Naam Par Ladkiyo Ke Mobile No Akhbaarat Aur Jaraaid Ke Zariya Mashhoor Kar Diye Jate Hai Yah Ladkiya Dosti Ke Bahane Ladko Ko Zinakari Ke Giroh Me Shamil Karti Hai Jo AIDS Wali Hoti Hai Jab Ladko Ko AIDS Ka Rog Lag Jata Hai To Us Groh Ke Liye Kaam Karna Majburi Ban Jati Hai. Qadiyaniyat Ki Tashheer Me Ladkiyo Ka Istemaal Kisi Bhi Tarah Ho Sakta Hai Maslan Rozgaar,Shadi,Taalim Mamlaat,Tijarat Wagairah.
*Qaadyani Ki Taraf Se Mukhtalif Qisam Ke Muharrif Tarjumah Aur Tafseer Maujood Hai 80 Se Ziyada Language Me Qadyani Tarajim Aur 200 Se Zaid Mumalik Me Unki Tauzee Is Firqa Ke Badhte Waisee Qadam Ki Taraf Isharah Kinaa Hai. Ab To Android Mobile Me Qadyaniyo Ki Taraf Se Mukhtalif Zabano Me Mukhtalif Qisam Ke Quraani App Bhi Daal Diye Gae Hai Ayse Bhi App Hai Jin Ki Madad Se 24 Hours Unki Mazhabi Nashriyat Sun Sakte Hai. Ab To Qadyaani Ghar Ghar Aur Har Insaan Tak Pohnch Gaya Ayse Me Hame Kya Karna Hai Sochne Ka Maqaam Hai? Jante Hai Social Media Yah Qaadyani Group Aur Page Chalane Wale Salary Par Rakhe Gae Hai.
* Ek Hatkandah Jo Har Baatil Mazhab Ka Hai, Maadiyat Ka Dhoka, Usne Bhi Apna Rakha Hai. Is Hatkandah Se Nakhawanda Aur Majboor Aur Hajatmand Ko Taalim, Nokri, Makaan,Ilaaj,Paisa Kharji Mamalik Ka Safar Aur Dusre Mumalik Ki Nationality Ki Khidmat Muhaiya Kar Ke Badle Me Deen Ka Saudah Karta Hai.
*Hindustaan Me RSS Aur Hindutwo Ke Mansubo Ki Takmil Me Shamil Aur Musalmano Ke Khilaaf Har Qisam Ke Mawaad Faraham Karne Wala Khatarnaak Ajent Qaadyani Hai Aap Ko Hairat Hogi Gair Muslim Ko Islaami Taalimat Me Shak Karne Un Par Aitraaz Karne Aur Mazaaq Udane Ka Mauqah Kaise Milta Hai? Yahi Gaddar Hai Jo Hamari Bate Un Tak Pohnchate Hai Aur Qur'aan Aur Hadees Se Mawaad Talash Talash Kar Dete Hai Qur'aan Se Jihaad Ki Aayat Nikalne Ka Shosha Dete Hai. Qaadyani Ka Yah Hathiyaar Na Sirf Hindustaan Me Chalaya Ja Raha Hai Balke Har Jagah Use Aazmaya Ja Raha Hai. Khud Ko Sunni Musalmaan Kehne Wala Naapak Insaan Taariq Fatah Ka Kirdaar Aap Ke Samne Hai.
Duniya Me Qaadyaniyat Ke Badhte Wasee Qadam Aur Unke Asbaab Aap Ke Samne Hai,Ek Musalman Hone Ke Tai Us Fitna Ka Sadde Baab Aur Aqeedah Khatm E Nabuwat Ka Tahffuz Har Insaan Bashar Ki Pehli Zimma Daari Hai. Aaiye Aaj Azam E Musammam Karte Hai Ke Ham Me Se Jo Muharrir Hai Woh Tehreer Se,Jo Muqarrir Hai Woh Taqreer Se Jo Ba Asar Hai Woh Apne Asar Se,Jo Sahibe Iqtidaar Hai Woh Quwwat Aur Iqtidaar Se Aur Jo Maaldaar Hai Apne Maal Se Kalma E Tauheed Ko Sarbulandi Aur Aqeedah Khatme Nabuwat Ka Tahffuz Karte Hue Fitna E Irtidaad Ko Roke Ga. Ham Me Se Har Padha Likha Jis Ke Gird Qaadyani Ko Islaam Me Dakhil Karne Ki Khaalis Niyyat Kare,Madad Karne Wala Allaah Hai. Aam Aadmi Kam Az Kam Is Zimma Daari Ka Ahsaas Kare Ke Jab Bhi Use Kisi Qaadyani Makar Aur Fareb Ki Khabar Ho Foran Muslim Shakhsiyat Ko Khabar Kare. Itna To Har Aadmi Kar Hi Sakta Hai Ke Apne Ghar Me Qadyani Ilhaad Aur Kufar Aur Us Ki Chaal Baziyo Se Ba Khabar Kare Jis Ka Faidah Yah Hoga Ke Aap Ke Ghar Ka Muslim Is Firqa Ka Aala E Kaar Banne Se Bach Sake Ga. Gufat Aur Shaneed Se Maloom Hua Hai Ke Bahut Se Woh Musalman Jo Kisi Majburi Ke Tahat Qadyani Ka Shikaar Ho Gae Hai Aur Unhe Apni Galati Ka Ahsaas Ho Gaya Hai Woh Wapis Palatna Chahte Hai Magar Koi Madadgaar Nahi Milta Khud Me Itni Jasarat Mehsus Nahi Kar Paate Ke Woh Qaadyani Changul Se Nikal Sake Kuy Ke Is Firqa Ki Taraf Se Tashaddud Ya Apne Qadyani Rishte Daro Se Taklif Ka Samna Ho Sakta Hai. Ek Aham Kaam Jo Samjh Me Aa Raha Hai,Woh Makhsus Muslim Tanzeem Hi Kar Sakti Hai Uski Tashkil Yah Hogi Ke Jaha Jaha Qaadyani Urooj Par Hai Waha Hamari Bhi Ek Makhsus Team Ho Jis Me Mukhtalif Uloom Aur Funoon Ke Maahireen Shaamil Ho Aur Mukhtalif Mahaaz Par Kaam Ki Nauiyat Taqseem Kar Ke Radde Qaadyaniyat Par Mukhlisana Koshish Kare. Is Silsile Me Sahab E Sarwat Bhi Aage Aae Aur Is Nauiyat Ka Kaam Shuru Karwaae Ya Jaha Kaam Kiya Ja Raha Hai Iska Sport Kare. Yah Kaam Aap Ke Haq Me Aur Usme Shamil Tamam Afraad Ke Haq Me Sadqah Jariyah Hoga.
Allaah Se Dua Hai Ke Hamare Imaan Aur Aqeedah Ki Hifazat Farmaae Aur Hame Haq Aur Abtaale Baatil Ki Taufiq Marhamat Farmaae. Aameen
 
Top