• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Shab e barat mein maafi maangna

Shad Alam

Active Member
Staff member
Joined
Oct 31, 2016
Messages
426
Likes
586
Points
76
Location
New Delhi
#1
“Mu’aaf karna”

Tehreer: Ata Rahmani

Sha’baan ki pandrahveen raat ki munaasabat se Whatsapp par mu’aafi naame mil rahe hain. Aur un logon se mil rahe hain jin ko main jaanta bhi nahi. Us mein kuch is tarah likha hota hai:
Kaha suna mu’aaf karna, jaane anjaane mein jo bhi ghalati ho gayi ho mu’aaf karna, main ne kabhi aap ka dil dukhaaya ho ya wa’da na nibhaaya ho to mu’aaf karna.
Aur jab main ne ek saheb se kaha ke main ne aap ko mu’aaf kar diya. To woh bigad kar kehne lage: Main ne kaun si ghalati ki hai?
Bhai jab aap ne ghalati ki hi nahi to Mu’aafi kis baat ki maang rahe the? Yeh log jo Whatsapp par anjaan logon se mu’aafi maang rahe hain, un mein se bahut ne apne maa baap ka dil dukhaaya hoga, kayi ne apne bahen bhai ka dil toda hoga, kayi aise honge jo apne bhateejon aur bhaanjon ka haqq maare baithe honge, kayi aise honge jo apne maamu aur chacha se qata’ talluq kiye honge, aur kuch aise bhi honge jo rozaana apni biwi ko zabaani la’n ta’n karte honge. Baat to tab hai in mein se har shakhs apne maa baap, bahen bhai, bhaanje bhateeje, chacha maamu aur apni biwiyon ke paas jaa kar un se bhi mu’aafi maangen. Wahan mu’aafi maangne ki ziyadah zaroorat hai, na ke ek ajnabi shakhs se jo aap ko jaanta bhi nahi aur na aap us ko jaante hain, bhala aap ne us par kiya zulm kiya hoga?
Aur haan, yeh baat bhi yaad rakhni chaahiye ke mu’aafi maangne ka matlab sirf zabaan se “mu’aaf kar do” keh dena nahi hota. Balki jis tarah ki aap ki ghalati hai, usi hisaab se us ki talaafi bhi karni padti hai. Agar aap ne kisi ka maal maara hai to us ko us ka maal waapas karna hoga tab maana jaayega ke haan aap ne mu’aafi maangi hai.
Yeh baat bhi tawajjo ke qaabil hai ke Sha’baan ki pandrahveen raat ki munaasabat se mu’aafi maangne ka chalan Sahaba-e-Kiraam ke yahan nahi tha. (Balki is raat ko woh koi “khaas raat” hi nahi samjhte the). Is liye jab bhi aap se kisi ke haqq main ziyaadti ho jaaye ya jab bhi aap se kisi ke dil ko chot pahunche fauran us ki mu’aafi maang leni chaahiye aur dilon ko saaf kar lena chaahiye.
 

Similar threads