• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Shirk ki Tareef aur uski Qismein

Joined
Oct 31, 2016
Messages
87
Likes
141
Points
26
Location
Maharashtra
#1
بسم الله الرحمن الرحيم


SHIRK KI TAREEF AUR USKI QISMEIN


SHIRK KI DO QISMEIN HAIN.
1. SHIRK E AKBAR.
2. SHIRK E ASGHAR.

ALLAH TA'ALA APNI ZAAT, IBADAAT, SIFAAT ME AKELA AUR BE-MISL HAI. KISI JANDAR YA BE-JAAN, ZINDAH YA FAUT SHUDAH MAKHLOOQ KO USKI ZAAT ME YA IBADAT ME YA USKI SIFAAT ME SHAREEK KARNA YA USKE BARABAR SAMJHNA "SHIRK E AKBAR" KEHLATA HAI.

SHIRK E AKBAR KA MURTAKIB HAMESHA HAMESH JAHANNAM ME RAHEGA.
Hazrat Abdullah bin Masood razi Allahu anhu se riwayat hai ke, Rasool Allah Sallallahu Alaihi wasallam ne farmaya: "jo shakhs is haal me mara ke Allah ta'ala ke sath kisi ko shareek thehrata tha wo aag me dakhil kiya jayega."
(bukhari, Kitabul imaan.)


SHIRK E FIZ-ZAAT, SHIRK E FIL-IBADAT, AUR SHIRK E FIS-SIFAAT KE ELAWAH KUCH AISE KAAM JIN KE LIYE AHADEES ME SHIRK KA LAFZ ISTEMAL HUA HAI, MASLAN: RIYA, GAIRULLAH KI QASAM KHANA WAGAIRAH "SHIRK E ASGHAR" KEHLATA HAI.
Hazrat Mehmood bin labeed razi Allahu Anhu se riwayat hai ke, Nabi Akram Sallallahu Alaihi wasallam ne farmaya: "tumhare baare me mujhe jin chizon ka khauf hai unme sabse zyada darne wali chiz SHIRK E ASGHAR HAI." Sahaba e Kiraam ne araz kiya "Ya Rasool Allah Sallallahu Alaihi wasallam! Shirk e asghar kya hai?" Aap sallallahu alaihi wasallam nr irshad farmaya:"RIYA."
(Ahmed. mishkat, baabur riya)

WAZAHAT:
(1)
Shirk e asghar ki aur misalein aane wali posts me padhein.
(2) shirk e akbar ka murtakib dairae islam se kharij ho jata hai, aur wo hamesha hamesha jahannam me rahega. Jabke shirk e asghar ka murtakib dairae islam se kharij nahi hota, lekin kabeerah gunah ka murtakib hota hai jis ki saza jahannam hai (jab tak Allah chahe).
Shirk e asghar se tauba na karna shirk e akbar ki wajah ban sakta hai.


SHIRK E KHAFI SE MURAD "CHUPA HUA SHIRK HAI, JO INSAAN KE ANDAR CHUPI HUI KAIFIYAT KA NAAM HAI." SHIRK E KHAFI SHIRK E ASGHAR BHI HO SAKTA HAI JAISE KE RIYAKAR KA SHIRK. AUR SHIRK E AKBAR BHI HO SAKTA JAISE KE MUNAFIQ KA SHIRK.
Hazrat Abu Sayeed razi Allahu anhu kehte hain ke Rasool Allah Sallallahu Alaihi wasallam humare paas tashreef laye, hum log apas me maseeh dajjal ka zikr kar rhe the. Aap Sallallahu Alaihi wasallam ne irshad farmaya: "kya main tumhein aisi chiz ki khabar na dun jis ka mujhe tumhare bare me maseeh dajjal se bhi zyada khauf hai." hum ne arz kiya: "kyun nhi ya Rasool Allah Sallallahu Alaihi wasallam" (zaroor bataiye) Aap Sallallahu Alaihi Wasallam ne irshad farmaya: "wo hai SHIRK E KHAFI yaani aadmi namaz padhne ke liye khada ho aur jab use mehsoos ho ke koi use dekh raha hai toh apni namaz lambi karde."
(ibne majah. Sunan Tirmizi, li'albani 3/3389)
 

Similar threads