Shohar Ka Biwi Par Bila Wajah Zulam Aur Ziyadti Karna


Shohar Ka Biwi Par Bila Wajah Zulam Aur Ziyadti Karna

Tehreer: Fazilatus Shaikh Maqbool Ahmad Salafi Hafizahullaah
Daai IslamicDawah Center Taif(Saudi Arabia)
Romanised: Khadija Muhammadi

Ek Bahan Ka Dard Bhara Sawaal Hai Ke Kya Shohar Biwi Ko Bagair Galati Ke Gaali De Sakta Hai,Bila Wajah Kosna,Ta'ne Dena,Bad Dua Karna Shohar Ko Islaam Ne Ijazat Di Hai. Woh Saza De,Maare, Sataae,Aur Aurat But Bani Sab Kuch Dekhti Sehti Rahe. Is Se Mutalliq Islaami Hukam Kua Hai Hame Is Se Aagah Kare. Allaah Aap Ko Iska Behtareen Badla De. Aameen
Waqai Bahut Sare Gharo Me Mardo Ki Surate Haal Aysi Hi Hai,Apni Mardangi Ka Izhaar Maidaane Me Nahi Sinfe Naazuk Par Karte Hai. Bila Wajah Aurto Ko Gaali Dena,Use Kosna,Maarna,Satana, Bad Dua Karna,Dhamki Dena Zulam Aur Ziyadti Ka Paisha Bana Liya Hai. Allaah Ayse Zalimo Ka Sakhat Muhasba Kare Ga. Aurat Ke Sabar Aur Zabat Se Faidah Utha Kar Bahut Se Zaalim Log Tarah Tarah Ki Sazaai Bhi Dete Hai. Aurat Apne Shohar Ka Khayaal Kar Ke Maike Me Bhi Kuch Nahi Bataati Taaki Apne Ghar Ki Aur Shohar Naam Daar Ki Be Izzati Na Ho. Aysa Pakizah Khayaal Aurat Ke Andar Hi Hota Hai Mardo Ki Aksariyat Is Sifat Se Aari Hai. Ayse Log Woh Mard Hai Jinhe Aurat Ke Maqaam Aur Martabe Aur Unki Bulandi Se Nabalad Hote Hai.
Aurat Ghar Ki Hi Nahi Kaainaat Ki Zeenat Hai,Duniya Se Agar Aurat Naabood Ho Jaae To Uska Rang Aur Roop Manind Padh Jaae,Zindagi Se Aurat Chali Jaae To Suni Suni Ajeeran Si Ho Jaae. Mardo Ko Sukun Aur Rahat Aurat Se Hi Milta Hai,Mardo Ke Gam Dorah Aur Gam Zindagi Ka Bojh Halka Karne Wali Aurat Ki Hi Zaat Hoti Hai. Bimaari Se Le Kar Kaam Kaaj Tak Har Mod Par Sahara Dene Wali Aurat Hai. Shadi Ke Baad Insaan Aurat Ka Maqaam Bhul Jata Hai Jab Ke Maloom Hona Chaahiye Ke Yahi Mard Jab Bagair Biwi Ke Zindagi Basar Kare To Log Use Na Mard Kahen Ge. Aurat Hi Mardo Ki Marsangi Ki Alamat Hai,Imaan Ki Takmeel Ka Ba'is Aur Buland Me'yaar Par Faaiz Hone Me Iska Aala Kirdaar Raha Hai. Jo Mard Kamzor Aur Be Zabaan Aurat Par Apna Zulam Dhate Hai Woh Mars Bhi Kisi Aurat Ki Kokh Se Nikal Kar Aaya Hai Jo Muqaddas Aur Mohtaram Lafz Maa Se Mausoom Hao. Is Liye Mardo Ko Aurto Ke Haq Me Allaah Se Darte Rehna Chaahiye Aur Unke Huqooq Ki Adaaegi Me Tasahuli Se Gurez Karna Chaahiye. Nabi SAV Ka Farmaan Hai Muslim Sharif Ki Hadees Hai:
فاتقوا الله في النساء.
(Muslim Sharif:1218)
Tarjumah: Ay Logo! Tum Aurto Ke Mamle Me Allaah Se Daro.
Ek Dusri Hadees Me Nabi SAV Farmate Hai.
خيركم خيركم لأهله واناخيركم لأهلي.
(Sahihul Jaame:3314)
Tarjumah: Ay Logo! Tum Me Sab Se Behtareen Aadmi Woh Hai Jo Apne Ahal Aur Ayaal Ke Liye Behtareen Ho Aur Me Tum Me Apne Ahal Aur Ayaal Ke Liye Sab Se Behtareen Hu.
Is Liye Piyare Bhaiyo! Apni Biwi Ko Bila Wajah Gaali Mat Do,Use Baat Baat Par Ta'ne Na Do,Kabhi Galati Kar Jaae To Piyaar Se Samjha Do Magar Tanz Se Uska Nazuk Sina Chalani Na Karo. Zulam Aur Ziyadati Se To Sachchi Taubah Kar Lo,Allaah Hamare Har Amal Se Ba-Khabar Hai Aur Aakhirat Me Zarre Zarre Ka Hisaab Aur Kitaab Le Ga.
Dusri Taraf Me Aurto Ko Bhi Sabar Aur Istiqlaal Ki Nasihat Karta Hu. Aap Yaqeen Kare Ke Agar Mardo Ke Zulam Ke Samne Sina Supur Ho Kar Sabar Ka Pahaad Ban Jaae To Nars Aap Ke Sabar Ke Pahaad Tale Hona Nazar Aae Ga. Aurat Ke Andar Allaah Ne Bahut Si Khubiya Rakhi Hai,Un Me Se Ek Sabar Ke Alawah Khubi Yah Hai Ke Woh Apne Mithe Aur Dil Moh Lene Wale Andaaz Aur Ada Se Shohar Ka Dil Jeer Sakti Hai. Aap Ka Shohar Jis Baat Se Naaraaz Hota Hai Usko Dil Par Lene Ki Bajaae Baat Sahih Ho To Apni Islaah Kar Le Shohar Aap Se Raazi Ho Jaae Ga Aur Baat Khatam Ho Jaae Gi Basa Awqaat Mamooli Si Baat Miya Biwi Ke Darmiyan Bade Nazaa Aur Talaaq Aur Judaai Ka Sabah Ban Jata Hai. To Aap Ke Haath Ghar Ki Kashti Ka Putwaar Hai Use Shanbhaal Kar Chalaae,Laakh Tufaan Aae,Aandhi Aae Kashti Hichkole Khaae Aap Putwaar Ka Istimaal Sahih Se Kare. Me Manta Hu Ke Baaz Shohar Bila Wajah Biwi Ko Marte Hai,Gaali Dete Hai,Baat Baat Par Ghar Se Nikalne Aur Talaaq Dene Ki Dhamki Dete Hai Un Sab Halaat Me Aap Sabar Kare,Sabar Ka Badla Jannat Hai. Ka'ab Bin Ujrah RA Kehte Hai Rasoolullaah SAV Ne Farmaya:
الا اخبركم بنسائكم في الجنة؟ كل ودود ولود،اذا غضبت اؤ أسيء اليها[اؤ غضب زوجها] قالت:هذه يدي في يدك،لا اكتهل يغمض حتى ترضى.
(As Silsilatus Sahiha:3380)
Tarjumah: Me Tumhe Jannati Aurato Ke Bare Me Na Bataau? Har Muhabbat Karne Aur Ziyadah Bachche Janne Wali Aurat Jannat Me Hai,Jab Woh Naaraaz Ho Jaae,Ya Fir Uske Saath Bura Sulook Kiya Jaae,Ya Shohar Naaraaz Ho Jaae To Aurat Shohar Se Kahe:Mera Haath Tere Haath Me Hau,Me Us Waqt Tak Neend Nahi Karungi Jab Tak Tu Raazi Nahi Hota.
 
Top