Bermuda Triangle Ki Haqeeqat


Bermuda Triangle Ki Haqeeqat

Tehreer: Shaikh Maqbool Ahmad Salafi Hafizahullaah

Islamic Dawah Center Taif KSA
Romanised: Khadija Muhammadi

Devil's Triangle Shaitaani/Aasebi Musallas Bhi Kaha Jata Hai,Pani Ki Satah Par Bana Hua Hai Aur Jo Bahre Ocyanus Me America Ke Saahil Se Kuch Fasle Par Waqe Ilaaqe Ka Naam Hai.
Is Ilaaqe Ka Ek Kona Bermuda Me,Dusra Protorque Me Aur Teesra Florida Ke Qareeb Ek Maqaam Par Waqe Hai. Bermuda Triangle Unhi 3 Kono Ke Darmiyani Ilaaqe Ko Kaha Jata Hai. Yah 300 Jaziro Par Mushtamil Hai Jin Me Aksar Jazaair Gair Aabaad Hai,Sirf 20 Jazeero Par Aabadiya Hai,Uska Jo Ilaaqe Pur Israar Aur Khatarnaak Mana Jata Hai Uski Bermuda Musallas Ya Bermuda Triangle Kehte Hai. Is Triangle Ka Total Raqba 1140000 Hai.
Yah Musallas Logo Me Pur Israariyat Ke Liye Shohrat Ka Bais Bana Hua Hai. Iski Shoharat Us Waqt Sr Shuru Hui Jab 1945 Me Florida Se Achanak 5 Hawaai Jahaz Kahi Lapata Ho Gae. Mana Jata Hai Ke Yaha Gum Hone Wale Jahaz Ke Sath Marne Wale Ka Bhi Koi Naam O Nishaan Nahi Milta. Yah Triangle Is Qadar Mashhur Hua Ke Kahi Bhi Koi Jahaz Gum Ho Jata Uska Sira Us Triangle Se Jod Diya Jata. Log Kehte Hai Ke Is Musallas Me Ab Tak Senkdo Jahaz Pur Israar Taur Par Gaaib Ho Chuke Hai.
Yah Triangle Muamma Nahi Magar Be Shumaar Kitaabo Aur Nowelo Ke Zariya Muamma Bana Diya Gaya Hai Aur Us Par S Qadar Movie Documentary Paish Ki Gai Ke Logo Ne Yaha Maaduqul Fitrat Anaasur Maan Liya Jis Ke Sabab Hone Wale Tamam Pur Israar Waqiaat Usi Ki Taraf Mansub Kar Diye Jate Hai.
Triangle Se Mutalliq Qisse Kahaniya, Waqiaat, Jaadui Karishma Aur Shaitaani Harkat Bayan Kiye Jate Hai. Usko Islaam Se Bhi Jodne Ki Koshish Ki Ja Rahi Hai. Me Qisse Kahaniyo Se Hat Kar Un Baato Ka Khulasa Karne Ki Koshish Karta Hu Jise Islaam Se Joda Ja Raha Hai.
TRIANGLE AUR ISLAAM.
(1) Ek Nazariya Yah Paish Kiya Jata Hai Ke Yah Sijjeen Ki Taraf Jane Wala Rasta Hai,Usme Jo Udan Tashtariya Dikhai Deti Hai Woh Dar Asal Farishte Hai Jo Rooho Ko Sijjeen Ki Taraf Le Jate Hai.
Usme Sab Se Faash Galati To Yahi Hai Ke Sijjeen Ko Koi Jagah Samjha Ja Raha Hai Jab Ke Yah Ek Ragistar Ka Naam Hai Jis Me Bure Logo Ka Indiraaj Hota Hai. Allaah Ka Farmaan Hai:
كلا ان كتاب الفجار لفي سجين وما أدراك ما سجين كتاب مرقوم. (المطففين:7-9)
Tarjumah:Hargiz Nahi Yaqeenan Fujjar Ka Likhna Sijjeen Me Hai Aur Aap Ko Kis Ne Maloom Karwaya Ke Sijjeen Kya Hai Woh To Ek Likhi Gai Kitaab Hai.
Dusri Baat Yah Hai Ke Farishte Ko Aadmi Asli Surat Me Nahi Dekh Sakta Aur Dusri Surat Me Pehchan Nahi Sakta.
Mazkoor Nazariya Se Pata Chalta Hau Ke JIS Tarah Kaafiro Ne Is Triangle Se Bahut Sare Qisse Kahaniya Jod Diye Waise Hi Kam Ilm Musalmano Ne Bhi Kuch Galat Bate Uski Taraf Mansub Kar Di.
(2) Dusra Nazariya Murdah Aadmi Ka Dubara Duniya Me Zinda Wapis Aana Hai. Is Ka Khayaal Ko Dr. Raymond A Modi Ne Apni Kitaab "Maut Ke Baad Ki Zindagi " Me Ujagar Kiya Hai. Dr Modi Ne Is Kitaab Me Kuch Ayse Logo Ke Bare Me Maloomat Di Hai, Jinhe Clinically Dead Qaraar Diya Gaya,Lekin Kisi Wajah Se Woh Dubara Zinda Ho Gae. Modi Ki Buniyaad Is Khayal Par Mabni Hai Ke Ek Aadmi Kuch Der Ke Liye Waqiatan Mar Kar Dubara Is Duniya Me Wapas Aa Sakta Hai.
Modi Ki Baat Sarasar Galat Aur Islaami Aqeedah Ke Khilaaf Hai Kuy Ke Insaan Jab Mar Jata Hai TO Dubara Zindah Nahi Ho Sakta. Islaami Aqeedah Ke Mutabiq Rooh Nikalne Ke Duniya Me Qayamat Tak Nahi Laut Sakti.
Allaah Ka Farmaan Hai:
ومن ورائهم برزخ إلى يوم يبعثون.(المؤمنون:100)
Tarjumah: Is Marne Wale Ke Darmiyan Aur Duniya Walo Ke Darmiyan Aad Aur Pardah Hai.
(3) Teesra Nazariya Dajjal Ka Hai. Kaha Jata Hai Ke Bermuda Triangle Dajjal Ka Maskan Hai. Yaha Ke Udan Tashtari Dajjal Ke Shaitaan Hai Jinhe Bhej Kar Dajjal Duniya Ki Khabre Maloom Karta Hai. Is Nazariye Ki Buniyaad Is Par Qaaim Hai Ke Bermuda Triangle Paani Ka Hissa Hai Aur Dajjal Ka Takhat Bhi Paani Par Hai. Yah Nazariya Sab Se Pehle Misri Musalmaan Muhaqqiq Muhammad Isa Dawood Ne Paish Kiya.
Yah Nazariya Kai Waja Se Naqabile Bharosa Hai.
(1) Qur'aan Aur Hadees Ki Roshni Me Bermuda Triangle Dajjal Ka Maskan Hai Aysa Koi Wazeh Aur Sareeh Sabut Nahi Hai Balke Sahih Hadees Ki Roshni Me Us Qadar Wazaahat Hai Ke Dajjal Ka Nikal Na Mashriq Se Aur City Asbahaan Se Yahudi Nami Qabilah Se Hoga Jo Ke Iraani Mamalik Hai.
(2) Kisi Hadees Me Dajjal Ka Takhat Pani Par Hai Zikar Nahi Hai Albatta Iblees Ka Takhat Pani Par Hai Yah Baat Hadees Me Aai Hai. Dajjal Aur Iblees Me Bahut Farq Hai. Sab Se Bada Farq Dajjal Insaan Me Se Hai Aur Iblees Jin Me Se.
(3) Udan Tashtari Ko Shaitaan Qaraar Dena Sirf Ikhtiraa Hai. Na Jane Fiza Ki Kis Chiz Ko Udan Tashtari Ka Naam Diya Jata Hai?
Aur Woh Shaitaan Hai Is Baat Ka Kya Sabut Hai?
Aur Fir Yah Baat Kehna Mabni Par Galat Hai Ke Yah Dajjal Ke Karinde Hai Jo Use Puri Duniya Se Marbut Kiye Hue Hai Kuy Ke Qur'aan Aur Hadees Me Uski Bhi Wazaahat Nahi Hai Ke Dajjal Ko Us Ke Nikalne Se Pehle Se Hi Duniya Ki Khabre Mil Rahi Hai.
(4) Dajjal Ek Aadmi Ka Naam Hai,Woh Abhi Akela Hai Aur Akele Hi Nikle Uska Koi Karindah Nahi. Nikalne Ke Baad Apna Kufar Phailaae ga Log Uski Ita'at Qabool Kare Ge Fir Uske Karinde Hon Ge.
Aakhir Me Bermuda Triangle Ke Mutalliq Yah Kehna Chahta Hu Ke Mujhe Yah Koi Yahud Aur Nazara Ki Sajish Lagta Hai. Uska Maqsad Logo Ke Azhaan Aur Quloob Par Haibat Taari Karna Hai,Waqt Padhne Par Duniya Walo Ke Liye Uska Istemaal Kare Ga Baaz Logo Ka Kehna Hai Ke Waha Asliha Ka Zakhirah Jama Kiya Gaya Hai Aur Us Jagah Ko Shaitaani Triangle Qaraar Diya Gaya Hai Taaki Log Us Jagah Se Door Rahe. Yahi Wajah Hai Ke Takreeban 400 Year Se Un Jazeero Me Bosh Aur Baad Nahi Ikhtiyaar Ki Gai. Agar Yah Saajish Aur Masnui Muamma Nahi.......
To Itne Bade Bade Scientists Padhe Hue Hai Aakhir Kya Wajah Hai Ke Uski Asal Haqeeqat Samne Nahi Aa Rahi Hai?
Kya Wajah Hau Ke Maleshia Ka Jahaz Gum Hone Par Uska Talluq Bermuda Triangle Se Jod Diya Gaya?
☆Aur Agar Yah Khatre Ki Jagah Hoti To Inshorans Walo Ke Liye Bhi Khatarnaak Hota Magar Woh Bagair Kisi JhiJhak Ke Jahaz Raani Karne Walo Se Inshorans Preymeem Lete Hai Jo Deegar Samandari Ilaaqo me Jahaaz Raani Karne Walo Se Liya Jata Hai.
☆Triangle Ka Sira Florida Se Muttasil Hai. Is Florida Ke 2 Mani Hai.
(1) Us Khuda Ka City Jis Ka Intizaar Kiya Ja Raha Hai.
(2) Woh Khuda Jis Ka Intizaar Kiya Ja Raha Hai. Us Mani Se Triangle Aur Florida Ka Kuch Talluq Malum Hota Hai,Lagta Yahud Aur Nasara Mustaqbil Me Apne Kisi Mafaad Ke Liye Us New Khudaai Tasawur Ka Istemaal Karne Wale Hai Us Liye Abhi Se Hi Bermuda Triangle Ke Naam Se Duniya Walo Par Haibat Taari Kiye Hue Hai.
Magar Musalmano Ko Is Qisam Ke Daraamai Aur Afsanvi Qisse Kahaniya Se Ghabrana Nahi Chahiye.
 
Top