• This site uses cookies. By continuing to use this site, you are agreeing to our use of cookies. Learn more.
  • Assalamu Alaikum Warehmatullahi Wabarakatuhu Islaah e Ummat Forum Mein Aapka Isteqbaal Hai. Agar Aap Pehli Baar Forum Par Aaye Hain To Register Zaroor Karen Taaki Aap Forum Se Ziyadah Se Ziyadah Faida Utha Saken. Baghair Register Huwe Aap Islaah e Ummat Forum Par Posting Nahi Kar Sakenge. Is Liye Register Kar Ke Apna Account Bana Len Jo Ki Bilkul Free Hai. Registration Ka Tareeqa. Register Hone Ke Baad Aap Ko Aik Confirmation Email Aapki Us Email ID Par Bheji Jaayegi Jis Ko Aapne Account Banate Waqt Daala Tha. Kabhi Confirmation Email Aapko Milne Mein Thodi Late Bhi Ho Sakti Hai. Aap Ke Inbox Ya Phir Aap Ke Junk Mail Ya Spam Box Mein Yeh Confirmation Email Milega. Koi diqqat ho to hamein MAIL karen.

Zindon Ka Wasila Sabit Hai

Joined
Nov 6, 2016
Messages
52
Likes
188
Points
26
Location
odisha, hirakud
#1
Bismillah hir-Rahman nir-Rahim

Zindon Ka Wasila Sabit Hai, inteqaal (death) Kiye Hue Ambiya, Auliya Ka Nahi

1. Hazrat-Usmaan-Bin-Haneef {Radi Allahu 'Anhu} farmate hain ke ek Nabina (blind) shakhs Rasoollallah {sallallaahu Alaihe Wasallam} ki khidmat me hazir hua aur arz kiya ke mere liye Aafiyat ki DUA karen, Aap {sallallaahu Alaihe Wasallam} ne farmaya agar chaho to main DUA karta hu aur agar chaho to isi (nabina-pan) par sabar karo aur ye tumhare liye bahtar hai, usne arz kiya Aap mere liye DUA hi kar dijiye, chunancha Aap {sallallaahu Alaihe Wasallam} ne usey hukm diya ke achchi tarah wuzu karne ke baad is tarah DUA karo, [Aye Allah! main tujhse tere nabi Mohammad {sallallaahu Alaihe Wasallam} ke Wasile se sawal karta hu, Aye Allah! mere bare me inki shifaat qabool farma.
(Jamia-Tirmizi, Hadees-no: 3578)


2. Hazrat-Anas-Bin-Maalik {Radi Allahu 'Anhu} ne kaha ke jab kabhi bhi Hazrat-Umar {Radi Allahu 'Anhu} ke zamane me Qahet (yani sukha) pada to Hazrat-Umar {Radi Allahu 'Anhu} ne Hazrat-Abbas-Bin-Abdul-Mutallib {Radi Allahu 'Anhu} ke WASILA se barish talab ki aur farmaya [ Ya Allah ! hum pahle tere Nabi {sallallaahu Alaihe Wasallam} ka Wasila tere pass laate aur tu hum par barish barsa deta tha, ab hum apne Nabi {sallallaahu Alaihe Wasallam} ke chacha (uncle) ka Wasila tere pass laye hain, pas hum par Barish barsha de, uske baad Barish ho gai.
(Sahih-Bukhari, Hadees-no: 1010)
----------------------------------
Ye Dono Hadees Sahih Hain
----------------------------------
Nabina (blind) Sahabi ka waqiya Sunan-Tirmizi, Sunan-Nisai, Ibne-Majah, Musnad-Ahamad aur Baihaqi me mujood hai, Hum ne is hadees ke alfaaz Sheikh-Albani (Rahimahullah) ki sahih-Sanan-Tirmizi se liye hain, waqiya ki haqiqat ye hai ke ek Nabina Sahabi Rasoollallah {sallallaahu Alaihe Wasallam} ki khidmat me hazir huwe aur ilteja (request) ki DUA farmaye Allah mujhe Bina (blindless) kar de, Aap {sallallaahu Alaihe Wasallam} ne khud bhi uske liye DUA farmayi aur usey bhi nasihat farmai ke jakar Allah ke huzur me ye DUA maang, [ Aye Allah ! maine Nabi {sallallaahu Alaihe Wasallam} ki DUA ke waste se apne RAB ki taraf tawajjah ki hai, yani maine apne Rab ke huzur Nabi {sallallaahu Alaihe Wasallam} se DUA karwai hai, pas Aye Allah ! to Nabi {sallallaahu Alaihe Wasallam} ki DUA mere haq me qabool farma Aur Nabi {sallallaahu Alaihe Wasallam} aur Nabina-sahabi ki Duaon ke natija me Allah-Taala ne Sahabi ki binai wapas lauta di.

Aur dosra waqiya ye hai ke Hazrat-Umar {Radi Allahu 'Anhu} ke zamane-e-khilafat me Qahet (sukha) pada to Hazrat-Umar {Radi Allahu 'Anhu} ne Nabi {sallallaahu Alaihe Wasallam} ke chacha (uncle) Hazrat-Abbas {Radi Allahu 'Anhu} se barish ke liye DUA karwai aur khud bhi ye DUA mangi, [ Aye Allah ! pehle hum Nabi {sallallaahu Alaihe Wasallam} ke Wasile se DUA mangte the aur tu barish barsa deta tha, ab hum Apne Nabi {sallallaahu Alaihe Wasallam} ke chacha (uncle) ke Wasile se DUA maang rahe hain, pas hum par barish barsa de,] Fatah-ul-Baari me Imaam-Ibne-Hajar (Rahimahullah) ne Hazrat-Abbas {Radi Allahu 'Anhu} ki DUA ke Alfaaz bhi nakal farmaye hai jo ye hai, [ Ya Allah ! ye gunah alood hanth teri bargah me phele hue hain aur hamari peshaniya Tauba ke liye teri taraf jhuki hui hain, ya Allah ! hum par barish nazil farma, Hazrat-Abbas {Radi Allahu 'Anhu} ke Duaon ke natijah me Allah-Taala ne barish barsa di.
----------------------------------------------------------------
Dono Hadeeson Se Jo Baat Samne Aati Hain Wo Ye Hain.
----------------------------------------------------------------
1. Kisi musibat aur mushkil ke waqt apne me se kisi zinda aur maujood, Muttaqi, Neek, aur Qabil-e-Ahtraam shakshiyat ko Dua ke liye Wasila banana jayez hai.

2. Musibat aur mushkil ke waqt khud bhi Dua karni zaruri hai, jaisa ke Rasoollallah {sallallaahu Alaihe Wasallam} ne Nabina-Sahabi ko nasihat farmai ya dosre waqiya me Hazrat-Umar {Radi Allahu 'Anhu} ne pahle khud DUA mangi phir Hazrat-Abbas {Radi Allahu 'Anhu} se DUA mangne ki darkhast ki.

3. Teesri baat in Hadison se ye sabit hoti hai ke Gair-Maujood ya Inteqaal (death) kiye hue buzrogon ko wasila banana jayez nahi agar jayez hota to Hazrat-Umar {Radi Allahu 'Anhu} Hazrat-Abbas {Radi Allahu 'Anhu} ko Wasila banane ke bajaye Rasool {sallallaahu Alaihe Wasallam} ki Qabar e Mubarak par hazir hote aur unhein Wasila banate jo bilashuba Hazrat-Abbas {Radi Allahu 'Anhu} se Aala-wa-Afzal the.

In dono Hadeeson se gair-hazir ya inteqaal (death) kiye hue shakhsiyat ect. Ka Wasila to sabit nahi hota balke zinda buzrogon ki Dua ko Wasila banane ka jawaz sabit hota hai, Gair-Hazir aur inteqaal (death) kiye hue Abmiya, Auliya aur Sulaha ko Wasila nahi banana kuch baton ke dalayel se bhi hoti hai.

1. Rasoollallah {sallallaahu Alaihe Wasallam} ne apni sari Hayat-e-Taiyaba me kisi bhi mauqe par Hazrat-Ibraim, Hazrat-Musa, Hazrat-Esaa {Alaihimussalam} ya kisi dosre jalil-o-qadr paigamber ko DUA me Wasila nahi banaya.

2. Sahaba ke daur-e-khilafat me kisi sahabi ka Rasoollallah {sallallaahu Alaihe Wasallam} ko apni DUA me Wasila banana sabit nahi hai na kisi Sahabi ka Rasoollallah {sallallaahu Alaihe Wasallam} ki Qabar par hazir ho kar Aap se Dua karwana sabit hai.